Қазақстандық файтер Азия ойындарының алтынын айқын басымдықпен жеңіп алды

Фото: instagram.com/qaz_team_official/

Қазақстандық Қадырбек Шынбаев Жапониядағы Азия ойындарында алтын иеленді. Аралас жекпе-жектен өткен жарыс финалында ол тәжікстандық Бехруз Хуршедзоданы жеңді, деп хабарлайды Tengri Sport.

Алтынға талас 71 келіге дейінгі салмақ дәрежесінде өтті. Алғашқы раундтан кейін төрешілер қазақстандық спортшының басымдығын тіркеді.

Екінші раундта да жағдай өзгерген жоқ, төрешілер Шынбаевтың айқын жеңісін растады.

Жекпе-жек 3:0 есебімен қазақстандықтың пайдасына аяқталды. Бұл Қазақстан құрамасының Азиададағы алтыншы алтыны.

Бұған дейін Шынбаев жартылай финалда өзбекстандық Нодирбек Шавкатовты сенімді түрде жеңіп, финалға шыққан болатын.

Айта кетейік, бұл - Азиада-2026 ойындарында Қазақстанның MMA-дан алған үшінші медалі. Бұған дейін Еркінғали Бүркіталин осы жарыс түрі бойынша алғашқы алтынды қоржынға салса, Санжар Әділов қола жүлдеге ие болған.

2026 жылғы Азия ойындарында Қазақстан құрамасында қанша медаль бар?

Еске сала кетейік, Шынбаевтың медалі Қазақстан құрамасы үшін Азиададағы 12-ші жүлде болды. Бұған дейін қоржында 5 алтын (оның ішінде біреуі MMA-дан), бір күміс және бес қола медаль болған.

Жапонияның Аичи мен Нагоя қалаларында өтіп жатқан Азия ойындары 4 қазанға дейін жалғасады.

Қазақстандық ММА файтері Азиадада құрама үшін бесінші алтынды жеңіп алды