Қазақстандық КХЛ-да “Барыстан“ жеңісті тартып алды

Фото: "Барыс" ХК баспасөз қызметі

Қазақстандық "Барыс" хоккей клубы Континентальды хоккей лигасының (ҚХЛ) тұрақты чемпионаты аясында Владивостоктың "Адмиралына" қарсы сырт айдындағы матчте овертаймда есе жіберді. Қарсылас команданың қақпасын Қазақстан құрамасының голкипері Никита Бояркин қорғады, деп хабарлайды Tengri Sport.

Матчтегі есеп екінші кезеңде ашылды - Ибрагимов Шепардтың қақпасынан саңылау тауып, "Адмиралды" алға шығарды. Дегенмен кезең аяқталғанға дейін Бэйли мен Томпсонның күш салуымен "Барыс" басымдыққа ие болды.

Ойынның үшінші бөлігінде айдын иелері ереже бұзып, айып орындығына жиі отыра бастады, бірақ бұл күтпеген жерден "Барыстың" қақпасына соғылған шайбаларға әкелді. Екінші минутта Шулак азшылықта жүріп гол соқса, кейін "теңізшілер" үшеуге қарсы бесеу болып төтеп беріп, қарымта шабуылға шығып, есепте алға озды.

Содан кейін "Барыс" тағы екі ойыншы басымдығына ие болып, оны сәтті пайдаланды - шайба авторы Приска. Алайда негізгі уақыттың аяқталуына 11 минут қалғанда "Адмирал" басымдыққа қайта ие болды.

Ойынның аяқталуына алты минут қалғанда Томпсон Симоновтың көмегімен дубль жасады - шайба оның конькиіне тиіп қақпаға кірді, есеп - 4:4.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Ойын овертаймға ұласып, онда "Барыс" алғашқы минутта бесінші шайбаны өткізіп алып, жеңіліске ұшырады.

Қазақстан құрамасының голкипері "Барысқа" қарсы ойында жеңіске жетті

Бұл матч қазақстандық қақпашы Никита Бояркин үшін ерекше болды. Ұлттық құраманың 28 жастағы қақпашысы, "Барыс" сапында 103 матч өткізген ол бұрынғы командасына қарсы алғаш рет мұз айдынына шықты.

Ол 37 соққының 33-іне тосқауыл қойып, сейвтер пайызы бойынша "Барыстағы" әріптесі Хантер Шепардтан (40 соққының 35-і) асып түсті.

Еске сала кетейік, "Барыс" Бояркинмен келісімшартты жаңа маусым басталғанға дейін бұзған болатын. Қазір елордалық клубта қақпашы орны үшін америкалық Шепард пен қазақстандықтар Андрей Шутов пен Владислав Нурек бәсекелесіп жүр.

Instagram-дағы бұл жарияланымды көру

"Адмирал" хоккей клубының жарияланым (@hcadmiral)

"Барыс" Шығыс конференциясының үздік үштігінде қалды

Жеңіліске қарамастан, қазақстандық команда бір ұпай еншілеп, топ-3-тегі орнын сақтап қалды. Бұл ретте Қазақстан клубы Чернышев дивизионын бастап тұр, мұнда команда "Амур", "Салават Юлаев", "Сибирь", "Авангард" және "Адмиралдан" жоғары орналасқан.

Айта кетейік, алдыңғы матчте Астана командасы "Амурдан" 5:2 есебімен ұтылса, оған дейін қатарынан екі рет жеңіске жеткен болатын.