Қазақстандық клуб ойыншысы алғаш рет футболдан әлем чемпионатында ойнайды

Фото: .instagram.com/fca.astana/

"Астананың" жартылай қорғаушысы Иван Башич футболдан Қазақстан чемпионаты тарихында әлем чемпионатына қатысушылар тізіміне енген алғашқы футболшы атанды, - деп хабарлайды Tengri Sport.

"Астананың" жартылай қорғаушысы Иван Башич футболдан Қазақстан чемпионаты тарихында әлем чемпионатына қатысушылар тізіміне енген алғашқы футболшы атанды, - деп хабарлайды Tengri Sport.

Башич Босния және Герцеговина құрамасының өтініміне енді, бұл тізімді елдің футбол федерациясы кеше ресми түрде жариялады.

Еске сала кетейік, босниялықтар мундиалға жолдама беретін өтпелі матчтерде Италия командасын пенальти сериясында ұтып, сенсация жасаған болатын.

Башич старттық құрамда өнер көрсетті және әлем чемпионатында да негізгі ойыншылардың бірі болуы әбден мүмкін.

Айта кетейік, бұған дейін Қазақстан чемпионатының атынан өнер көрсеткен бірде-бір ойыншы төрт жылдықтың басты футбол турниріне жолдама алмаған еді.

Иван Башич деген кім?

24 жастағы Башич "Астана" сапына 2025 жылы ресейлік "Оренбургтен" ауысып келді. Биыл ол елордалық команда сапында 9 матч өткізіп, бір гол және екі нәтижелі паспен көзге түсті.

Instagram-дағы бұл жарияланымды көру

"Астана" | FC Astana (@fca.astana) жарияланымы

Босния құрамасы ӘЧ-2026 турнирінде

Еске салайық, футболдан әлем чемпионаты 11 маусым мен 17 шілде аралығында АҚШ, Мексика және Канадада өтеді. Босниялықтар турнир қожайындарымен бір топқа түсті – олар Канада, Катар және Швейцарияға қарсы ойнайды.

Бас бапкер Сергей Барбарез АҚШ, Канада және Мексикада өтетін Әлем чемпионатында Босния және Герцеговина намысын қорғайтын 26 футболшыны таңдап алды.#NFSBiH #zmajevi #FIFAWorldCup2026 #dreambigdreambih pic.twitter.com/tnmmSNEXYx
— NFS BIH (@NFSBiH) 2026 жылғы 11 мамыр