Қазақстандық ММА файтері Азиадада құрама үшін бесінші алтынды жеңіп алды

Қазақстандықтың қарсыласы Бахрейн елінің өкілі Мухаммад Набиев болды.

Бірінші раундтың өзінде отандасымыздың басымдығы байқалды - қарсыласының беті қан жоса болса, Еркінғали ешқандай жарақат алмады.

Екінші раундта Набиев көбіне күресуге тырысқанымен, бұл жекпе-жектің барысын өзгертуге көмектеспеді.

Қорытынды: 3:0 есебімен қазақстандық спортшы жеңіске жетіп, Азиадада ММА-дан алғашқы алтынды иеленді.

Айта кетейік, ММА Азия ойындарының бағдарламасына алғаш рет енгізіліп отыр. Бұған дейін спорттың бұл түрінен Қазақстан қоржынына алғашқы жүлдені Санжар Әділов салды.

Бүгін ММА-дан 71 келіге дейінгі салмақ дәрежесіндегі финалда тағы бір қазақстандық - Қадырбек Шынбаев бақ сынайды. Жартылай финалда ол Өзбекстан өкілін жеңген болатын.

Қазақстан құрамасы Азиада-2026 ойындарында

Азия ойындарының алғашқы күндерінде Қазақстан құрамасы он марапатқа ие болды: бес алтын, бір күміс және төрт қола медаль.

Жеңістерді каратэшілер мен велошабандоздар иеленді: Әсел Қанай каратэден күміс алса, ММА, триатлон және бессайыстан қола жүлделер бұйырды.

Еске сала кетейік, XX жазғы Азия ойындары Жапонияның Айти және Нагоя қалаларында өтіп жатыр және 4 қазанға дейін жалғасады.