Қазақстандық семсерші драмалық финалдан кейін Азиаданың күміс жүлдегері атанды

Фото: ҚР ҰОК / Владислав Семенов

19 жастағы қазақстандық семсерші Кирилл Проходов Жапонияның Айти және Нагоя қалаларында өтіп жатқан XX жазғы Азия ойындарының күміс жүлдегері атанды, деп хабарлайды Tengri Sport.

Шпагамен семсерлесудің жекелей сынында Қазақстан өкілі жапондық Коки Каномен кездесті. Тартысты өткен жекпе-жекте Проходов 13:15 есебімен есе жіберді.

Кано - екі дүркін Олимпиада чемпионы. Ол Токио-2020 Ойындарында топтық біріншілікте жеңіске жетсе, Париж-2024 додасында жекелей сында Олимпиада чемпионы атанды.

Сондай-ақ 2024 жылғы Олимпиадада жапондық спортшы командалық шпага жарысында күміс жүлде иеленген болатын.

Instagram-дағы бұл жарияланымды көру

Kazakhstan Olympic Team (@olympickz) жариялаған жазба

Финалға дейінгі жол

Проходов турнир жолында сенімді өнер көрсетті. 1/8 финалда ол Қытай Тайбэйінің өкілі Илу Гастон Гийемоны 15:14 есебімен жеңді. Кейін қазақстандық спортшы Қытайдан келген Азияның екі дүркін чемпионы Лань Минхаоны 15:7 есебімен қапы қалдырды.

Жартылай финалда Проходов Гонконг өкілі Фон Хой Суннан басым түсіп (15:13), Азия ойындарының финалына жолдама алды.

Осылайша, 19 жастағы қазақстандық Ойындардың күміс медалін иеленді. Айта кетейік, бұған дейін 2026 жылы Проходов Қазақстан құрамасы сапында командалық шпагадан әлем чемпионы атанған болатын.

Айта кетерлігі, маусым айында өткен Азия чемпионатында Қазақстан құрамасы да алтын жеңіп алған еді. Шешуші жекпе-жекте Проходов Коки Каномен кездесіп, жапондық спортшыны 9:5 есебімен жеңген болатын.

Қазақстандық әлем чемпионы бокстан ұлттық құрамаға Азиададағы алғашқы жеңісті сыйлады