Астанада өтіп жатқан ӘЧ: қазақстандық спортшы әйелдер күресінен алғашқы медальді жеңіп алды

Зейнеп Баянова. Фото: Olympic.kz

Қазақстандық Зейнеп Баянова Астанада өтіп жатқан әйелдер күресінен Әлем чемпионатында қола медаль иеленді, деп хабарлайды Tengri Sport Vesti.kz-ке сілтеме жасап.

50 келіге дейінгі салмақ дәрежесінде үшінші орынға таласта ол Еуропа чемпионатының қола жүлдегері, беларусьтік Наталья Варакинамен кездесіп, 6:1 есебімен жеңіске жетті.

Бұған дейін Баянова 1/8 финалда өзбекстандық Актенге Кеунимжаевадан басым түсіп, ширек финалда моңғолиялық Отгонжаргал Долгоржавты ұтқан, алайда жартылай финалда Үндістан өкілі Ниламға есе жіберді.

Баянованың бұл жүлдесі Қазақстан құрамасы үшін өз елінде өтіп жатқан әлем біріншілігіндегі әйелдер күресінен алғашқы медаль болды.

Тағы оқыңыз: Қазақстандық спортшы Олимпиада чемпионымен белдесуде Азиада медалін жеңіп алды