+7 (777) 001 44
99
76 келіге дейінгі салмақ дәрежесіндегі финалдық белдесуде қазақстандық балуан 2024 жылғы Париж (Франция) Олимпиадасының чемпионы жапониялық Юка Кагамимен кездесті.
Instagram-дағы бұл жарияланымды көру
Белдесу барысы
Белдесудің алғашқы минуты толығымен тік тұрып өтті, спортшылар лақтыру немесе әдіс жасауға талпыныс жасамады. Техникалық іс-қимылдары үшін алғашқы ұпайды қазақстандық спортшы еншіледі.
Белдесу бел ортасына келгенде Сыздықова жапон балуанын іліп алып, әдіс жасауға тырысқанымен, қарсыласы қорғанып үлгерді, нәтижесінде тейкдаун орындалмады. Осы эпизодтан кейін жекпе-жек тоқтатылып, жапон спортшысын қарап шығу үшін кілемге дәрігерлер тобы келді. Бұдан соң қыздарға белдесуді жалғастыруға рұқсат берілді.
Кейін қазақстандық балуан бір аяқтан шабуылдауға тырысты, бірақ Кагами бұл әрекеттің алдын алып, қарсыласын кілем сыртына итеріп шығарды. Бұл іс-қимылдары үшін төрешілер оған 3 балл берді.
Сыздықова әдіс жасау талпынысын тоқтатпай, қарсыласын тағы да лақтыруға тырысты. Алайда бұл жолы да жапон балуаны қорғана білді, ал келесі эпизодта бақылау ұпайларын иеленді.
Белдесу қорытындысы бойынша Юка Кагами 5:1 есебімен жеңіске жетсе, Эльмира Сыздықова Азиаданың күміс медалін иеленді.
Еске сала кетейік, Азиаданың жартылай финалында Эльмира Сыздықова қытайлық Вэньцзи Лимен белдескен болатын. Кездесу толық уақытқа созылып, қазақстандық балуанның 9:8 есебімен, яғни 1 ұпайға басым жеңісімен аяқталды.
Instagram-дағы бұл жарияланымды көру
Айта кетейік, бұған дейін әйелдер құрамасының тағы бір өкілі, 50 келіге дейінгі салмақ дәрежесінде өнер көрсететін Зейнеп Баянова Қазақстан қоржынына қола медаль салған болатын. Үшінші орынға таласта ол Үндістан спортшысын 11:4 есебімен тізе бүктірді.
Instagram-дағы бұл жарияланымды көру
Сондай-ақ 65 келіге дейінгі дивизионда сынға түскен Қазақстан ерлер құрамасының мүшесі Начын Куулар 2026 жылғы Азия ойындарының қола жүлдегері атанды. Медаль үшін өткен белдесуде ол солтүстіккореялық Кван Джин Кимді 7:5 есебімен жеңді.
Instagram-дағы бұл жарияланымды көру
125 келіге дейінгі салмақ дәрежесінде ел намысын қорғаған Едіге Қасымбек те қола жүлдеге ие болды. Ол түркіменстандық Зиямухаммет Сапаровпен болған белдесуде камбэк жасап, 14:4 есебімен жеңісті жұлып алып, қола медаль иеленді.
Instagram-дағы бұл жарияланымды көру
Айбек Оралбай Азиаданың финалында өзбекстандықты ойсырата жеңді
