Баспасөз мәслихатында Скалониге "Лионель Месси 2030 жылғы әлем чемпионатында Аргентина құрамасына бапкердің көмекшісі ретінде оралуы мүмкін бе?" деген сұрақ қойылды.
"Лео бапкердің көмекшісі бола ма? Жоқ, ол 2030 жылдан кейін де ойнай береді. Солай болады деп үміттенемін. Дегенмен қазір Вальтер Самуэль (бапкердің бұрынғы көмекшісі) мұнда жоқ болғандықтан, оның орнын басуы мүмкін", – деді Скалони.
"AHORA QUE NO ESTÁ WALTER" 😂 😂 Лионель Скалонидің 2030 жылғы Әлем чемпионатында ЛИОНЕЛЬ МЕССИДІҢ БАПКЕР КӨМЕКШІСІ БОЛУ мүмкіндігі туралы күлкілі жауабы 👀 "Лео көмекші ретінде ме? Жоқ, ОЛ 2030 ЖЫЛДАН КЕЙІН ДЕ ОЙНАЙ БЕРЕДІ. Әрі қарай да жалғастырса екен. Дегенмен, қазір Вальтер жоқ болғандықтан, болуы да мүмкін, иә", - деп жауап берді бапкер.
— TNT Sports Argentina (@TNTSportsAR) 16 қараша, 2026 жыл
Месси Аргентина құрамасындағы мансабын аяқтады
Еске салайық, 7 қазанға қараған түні Буэнос-Айрестегі (Аргентина) "Монументаль" стадионында Лионель Месси Бенин ұлттық құрамасына қарсы Аргентина сапындағы қоштасу матчін өткізді.
Матч "Соңғы танго" деп аталды және аты аңызға айналған футболшының мансабы аяқталғанын білдірді.
Алаңда болған уақыт ішінде Аргентина құрамасының капитаны 2 нәтижелі пас беріп, пенальтиден гол соқты, осылайша, өз командасына 3:0 есебімен жеңіс сыйлады. Месси матч соңына дейін қауіпті ойын өрнегін көрсетті, алайда Бенин қақпашысы бірнеше рет сейв жасап, есеп бұдан әрі артуына жол бермеді.
Осылайша, Лионель Мессидің Аргентина құрамасындағы 21 жылдық тарихы аяқталды. Ол әлем чемпионы атағымен, екі Америка кубогымен және ұлттық құрама сапындағы голдар, матчтер саны бойынша рекорд орнатты.
🇦🇷 | La gran despedida final de Lionel Messi y el adiós a la selección argentina. "Hoy me toca vivir el día más triste de mi career: despedirme de la selección. Ahora me toca acompañar. Los quiero, agradezco a Dios y estoy orgulloso de ser Argentino." https://t.co/NhZbyH4uTb
— Mia 🍋 (@Mialygosa) October 7, 2026
Әсерлі матчтен кейін Месси әлеуметтік желіде тебіреніске толы жазба жариялады.
Оның айтуынша, қажет кезде жанынан табылып, қолдау көрсеткен отбасынсыз бұл белестерді бағындыру мүмкін болмас еді.
Сондай-ақ, Месси өзі ойнаған клубтарға алғыс айтып, олар әрдайым өзінің таңдауын құрметтегенін және ұлттық құрамаға көңіл бөлуіне мүмкіндік бергенін айтты.