Роналду ерекше ишара көрсетті: бұл нені білдіреді?

Фото: видеодан кадр/ dmytro.larin.gmail.com/depositphotos.comФото: видеодан кадр/ dmytro.larin.gmail.com/depositphotos.com

Португалиялық футбол жұлдызы Криштиану Роналду саусақтарымен біртүрлі қимыл көрсеткен видео жариялады. Дүйім жұрт бұл ишараның нені білдіретінін және неге дәл қазір жарияланған болжап жатыр, деп хабарлайды Tengri Sport.

41 жастағы футбол саңлағы әлеуметтік желідегі парақшасында камера алдына шығып, саусақтарымен белгісіз бір бейне жасаған видеосын жүктеді. Роликке жазылған жұмбақ мәтін жанкүйерлерді бұл жаңа ишараның мәнін өз бетінше түсінуге шақырады.

"Түсіндіңіздер ме?" - деп сұрайды Криштиану.

Айта кетерлігі, португалиялық шабуылшы бұл ишараны бірінші рет жасап тұрған жоқ.

21 қазанда Роналду өнер көрсететін сауд арабиялық "Әл-Наср" клубының аккаунтында осыған ұқсас видео жарияланып, бұл белгінің мағынасын табуға шақырған болатын: "Криштиану ештеңе айтпайды. Өздеріңіз табуларыңыз керек".

Кейінірек ол "Әл-Холуд" қақпасына хет-трик жасағаннан кейін де осы ишараны қайталады.

Роналдуның жаңа ишарасы нені білдіреді?

Жаңа белгіге қатысты ең танымал болжам Криштианудың мансабындағы 1000-шы голын соғуға деген ұмтылысымен байланысты. Жанкүйерлер айқастырылған саусақтардан латынның "M" әрпін көріп отыр. Олар бұл белгі не римдік "М" цифрын (яғни, мың), не португал тіліндегі "мың" дегенді білдіретін "mil" сөзінің бірінші әрпін білдіреді деп есептейді.

Айта кетсек, түрлі статистикалық порталдардың мәліметінше, Криштиану Роналду тарихта алғашқы болып 1000 гол межесін бағындыруы үшін тағы 15-тен 21-ге дейін доп соғуы керек. Ол бұл рекордты 2026/2027 жылғы маусым барысында орнатуы әбден мүмкін.

Instagram-дағы бұл жарияланымды көру

Cristiano Ronaldo (@cristiano) жарияланымы

Ишараға қатысты басқа да болжамдар бар. Мысалы, кейбір жанкүйерлер "M" әрпін Роналдуның балаларының бірі – Матеоның есімімен байланыстырады.

Жанкүйерлердің бір бөлігі Криштианудың бұл қимылынан "М" әрпін көрмеген. Олар футболшы "шексіздік" белгісін көрсетті деп есептейді, сонымен қатар Роналду осы ишара негізге алынатын жаңа брендтің таныстырылымын дайындап жатыр деген пікірде.

Криштиану Роналдуның алты голынан айырды: рекордқа дейін қанша қалды?

Бұған дейін Португалия құрамасы Роналду ұлттық құрамадағы мансабын аяқтайтынын мәлімдегеннен кейінгі алғашқы ойынында жеңіліс тапқан болатын.