Молдовадан жеңілген соң Қазақстан құрамасы Ұлттар лигасының тобында соңғы орында қалатыны анықталды, ал Словакия командасы Фарер аралдарымен тең түскеніне қарамастан, бірінші орынмен шықты.
Кездесу қарсаңында Словакия құрамасының бас бапкері Владимир Вайсс Астанадағы ойынға бірден алты негізгі ойыншыны қоспағаны белгілі болды:
Милан Шкриньяр ("Фенербахче"), Давид Ганцко ("Атлетико"), Ондрей Дуда ("Аль-Иттифак"), Матуш Беро ("Ференцварош"), Доминик Грейф ("Лион") және Альберт Руснак ("Сиэтл"). Сондай-ақ сары қағаздардың жиналып қалуына байланысты Мартин Валент те кездесуге қатыса алмайды.
Енді команданың басты жұлдызы италиялық "Фрозиноне" шабуылшысы Томаш Бобчек болмақ (құны 10 миллион еуро).
Қазақстан - Словакия: кездесулер тарихы
Айта кетейік, Қазақстан құрамасы 2022 жылғы Ұлттар лигасы аясында Словакияны екі рет жеңген (0:1 және 2:1), ал осы маусымда сырт алаңда 2:1 есебімен есе жіберді.
Осылайша, словактармен өткен ойындарда Қазақстан құрамасының қоржынында екі жеңіс пен бір жеңіліс бар. Бүгін команда өз статистикасын жақсартуға мүмкіндік алады.
Қазақстан құрамасы көшбасшыларсыз, бірақ дебютантпен шығады
Еске сала кетейік, Молдовамен өткен ойыннан кейін Қазақстан құрамасының ең қымбат футболшысы Максим Самородов шеттетілді. Сондай-ақ бапкерлер штабы жарақатынан айығып жатқан Дастан Сәтпаев пен Бахтиер Зайнутдиновке әлі де сенім арта алмайды.
Сонымен қатар словактармен өтетін матчке команда тізімінде бір әлеуетті дебютант бар: жартылай қорғаушы Алмас Төлебай ("Елім-ай").
Еске сала кетейік, матч "Астана Аренада" Қазақстан уақытымен сағат 20:00-де басталады. Тікелей трансляцияны Qazsport арнасынан және оның ресми сайтынан көруге болады.
Футболдан Испания құрамасы екі жыл ішінде алғаш рет жеңіліс тапты