Кезекті жаңартуда портал Криштианудың 2023 жылғы Араб чемпиондарының клубтық кубогі аясында соққан голдарын есепке алмау туралы шешім қабылдады.
"Бұл деректер көптеген басқа басылым мен 985 гол деп көрсеткен Роналдудың өз деректерінен өзгеше. Бұл, мысалы, оның 2023 жылғы Араб клубтарының чемпиондар кубогінде "Әл-Наср" сапында соққан алты голының есепке алынбауымен байланысты. Бұл турнирді ФИФА-ға немесе АФК мен КАФ құрлықтық конфедерацияларына мүше емес UAFA ұйымдастырған. Осы себепті Transfermarkt бұл матчтер мен голдарды ресми жарыс статистикасы ретінде танымайды", - делінген мәлімдемеде.
Сонымен қатар портал Роналдудың "Әл-Файзали" қақпасына соққан голын әлі де есептеп отыр, ал FlashScore порталы оны автогол деп өзгерткен болатын.
Осылайша, Transfermarkt есебі бойынша Криштианудың клубтық футболда 833 голы және ұлттық құрамада 146 голы бар - барлығы 979 гол.
Фото: transfermarkt.com/cristiano-ronaldo/
Айта кетейік, басқа дереккөздер Криштиану Роналдуды 985 голдың авторы деп санап отыр.
Криштиану Роналду мансабында 1000 гол соққан тарихтағы тұңғыш футболшы атануы мүмкін
Еске сала кетейік, 41 жастағы португалиялық мансабындағы мың гол межесі үшін жарысты жалғастырып келеді. Енді, әртүрлі есептеулер бойынша, Роналду тарихқа ену үшін тағы 15-тен 21-ге дейін гол соғуы керек.
Айта кетейік, Роналду рекордтық көрсеткішке Сауд Арабиясы чемпионатындағы "Әл-Наср" матчтерінде қол жеткізуі әбден мүмкін, өйткені шабуылшы Португалия құрамасындағы мансабын ресми түрде аяқтағанын жариялады.
Бұған дейін Роналдудың Португалия құрамасындағы мансабын аяқтауына байланысты оның ұлттық құрамадағы алғашқы матчіндегі қарсыластарының бірі қазақстандық футболшы Қайрат Нұрдәулетов пікір білдірген болатын.