Мексикалық Маркос Родригеске қарсы жекпе-жекте қазақстандық спортшы бірінші раундта қарсыласының басына жойқын соққы жұмсап, оны сұлатып түсірді. Әлемдік БАҚ бұл соққыны "жыл нокауты" аталымына негізгі үміткерлердің бірі деп атады.
Родригеспен кездесу алдында Нұрмағанбет IBF рейтингінде тоғызыншы орында болса, енді үздік бестікке кірді.
Айта кетейік, Бек Нұрмағанбет Сауль "Канело" Альварес пен Жәнібек Әлімханұлының салмақ дәрежесінде жұдырықтасады. Канело WBC белбеуіне иелік етсе, Жәнібек WBO нұсқасы бойынша титулға үміткер.
Ал IBF тұжырымында чемпиондық белбеу кубалық Ослейс Иглесиаста. Рейтингтегі алғашқы екі орын бос тұр, үшінші орында 36 жастағы Кевин Леле Саджо, ал төртінші сатыда 32 жастағы Малик Зинад орналасқан.
Фото: ibf-usba-boxing.com
Бек Нұрмағанбет деген кім?
Қазақстандық боксшы 1998 жылы дүниеге келген, 2019 жылы Азия чемпионатын жеңіп алды. 2020 жылы Бек кәсіпқой боксқа ауысып, содан бері 17 жекпе-жек өткізді. Барлық кездесуінде жеңіске жетіп, 15-ін мерзімінен бұрын аяқтаған.
Чемпиондық статистикасына қарамастан (мысалы, Әлімханұлында да 17-0), Нұрмағанбет тек IBF рейтингінде үздік бестікке кіреді, ал WBC нұсқасы бойынша 14-орында тұр.
Сондай-ақ Бектің кейінгі жекпе-жегі Эр-Риядтағы (Сауд Арабиясы) Канело - Мбилли турнирінің кардында өткенін айта кеткен жөн. Бұл кардқа түсу қазақстандық үшін кездейсоқтық емес, өйткені ол 2023 жылдың жазынан бастап Канелоның бапкері Эдди Рейносоның командасына қосылып, Сауль Альвареспен бір залда жаттыға бастады.
Бек Нұрмағанбет Канело, құрама және “жыл нокаутынан“ кейінгі деңгейі туралы айтты