33 жастағы форвард неміс командасы сапында 2029 жылға дейін өнер көрсетеді.
"Баварияда" мен өзімді үйімдегідей сезінемін. Бұл клубты, жанкүйерлерді және Мюнхен қаласын жақсы көремін. Біздің құрамымыз тамаша, ал Винсент Компани - өте білікті бапкер. Осы клубтың бір бөлшегі болғанымды мақтан тұтамын. Бүкіл отбасым мұнда бақытты. Мен осында қалғым келді. Енді болашаққа үлкен сеніммен қарап, осы ұлы клубпен бірге әлі де көптеген титулды жеңіп алғым келеді", - деп келтіреді футболшының сөзін клубтың баспасөз қызметі.
Еске сала кетейік, Кейн "Баварияға" 2023 жылдың тамызында лондондық "Тоттенхэмнен" ауысып барған болатын. Осы уақыт ішінде ол Бундеслиганың екі дүркін чемпионы атанып, Германия кубогі мен екі Суперкубокті иеленді, сондай-ақ 161 ресми матчте 156 гол соқты.
Харри Кейн - әлемнің үздік футболшысы
Өткен аптада ағылшын шабуылшысы заманауи футболдағы басты жеке марапат - "Алтын допты" иеленді. Осылайша, ол Чемпиондар лигасы мен Әлем чемпионатында жеңіске жете алмағанына қарамастан, 2025/2026 жылғы маусымның әлемдегі үздік футболшысы деп танылды.
Ал "Баварияғ" - Германиядағы ең титулды клуб. Олардың қоржынында рекорд 35 чемпиондық атақ, 21 ел кубогі, сондай-ақ Чемпиондар лигасындағы 6 жеңіс бар.
Қазір команда Бундеслиганың жаңа маусымында көш бастап тұр, ал кезекті матчте "Атлетиконы" жеңгеннен кейін Чемпиондар лигасының жалпы кезең кестесінде 13-орында келеді.
Бір матчтегі 10 гол және “Реалдың“ камбэгі: Чемпиондар лигасына шолу