60 келіге дейінгі салмақ дәрежесінде финалға жолдама беретін жекпе-жек Тараз қаласында өтті.
Бірінші раундтың қорытындысы бойынша бес төрешінің үшеуі 19 жастағы Қожаханды жақтаса, екінші раундта ол басымдығын арттырып, барлық реферидің көңілінен шықты.
Үшінші раундта ол атақты қарсыласынан тағы да басым түсті.
Жекпе-жектің нәтижесі: төрешілердің 5:0 есебімен берген шешімі бойынша Қожахан жеңіске жетті.
Айта кетейік, 29 жастағы Оразбек Асылқұлов өткен жылы IBA ұйымдастырған турнирде әлем чемпионы атанса, 2023 жылы Азия чемпионатының алтынын иеленген болатын. Ал Әділбек Қожаханның тіпті жасөспірімдер деңгейінде де мұндай атақтары болмаған.
Қожаханның Қазақстан чемпионатының финалына дейінгі жолы
Әлем чемпионымен жұдырықтасқанға дейін Әділхан шағын сенсация жасап үлгерді: 1/8 финалда ол тәжірибелі Асылжан Серікбайды жеңсе, ширек финалда 2024 жылғы Қазақстан чемпионы Талғат Сырымбетовті жарыс жолынан шығарды.
Енді Әділхан ел чемпионатының алтыны үшін бақ сынайды. Финал ертең, 6 қарашада Тараз қаласында өтеді.
Бұған дейін қазақстандық боксшы Бек Нұрмағанбет Tengri Sport-қа берген сұхбатында мексикалық Сауль Альварес және "жыл нокауты" туралы пікір білдірген болатын.