Қазақстандық спортшы Көшпенділер ойындарында арқан тартыстан “ирандық алыпты“ жеңді

Бейнеден алынған кадрлар

Қырғызстанда өтіп жатқан VI Дүниежүзілік көшпенділер ойындарында Қазақстан құрамасының өкілі Мейір Рахметқалиев арқан тартыстан жекелей сында Ираннан келген 190 келілік қарсыласын жеңді, - деп хабарлайды Tengri Sport.

Шығыс Қазақстан облысы Зайсан ауданының тумасы, салмағы 110 келі болатын спортшы мен жанкүйерлер алып денесі үшін "Халк" деп атап кеткен ирандық балуанның арасындағы белдесу "бетпе-бет" форматындағы турнирдің ең жарқын сәттерінің біріне айналды.

80 келі айырмашылыққа қарамастан, қазақстандық спортшы алып қарсыласын басып озды.