Қазақстандық спортшы Олимпиада чемпионына қарсы камбэктен кейін Азиада медалін жеңіп алды

Фото: ҚР ҰОК

Қазақстандық рапирашы Артём Саркисян Жапонияда өтіп жатқан Азия ойындарының қола жүлдегері атанды. Медаль жолында ол 2024 жылғы Олимпиада чемпионы, оңтүстіккореялық До Гёндонды жеңді, деп хабарлайды Tengri Sport.

27 жастағы қазақстандық Азияда турнирін 1-кезеңнен бастап, ширек финалда 2024 жылғы ойындардың командалық сындағы чемпионымен кездесті.

Жекпе-жек барысында Артём 8:14 есебімен ұтылып жатқанына қарамастан, кездесу тағдырын өз пайдасына шешіп, чемпионды 15:14 есебімен жарыс жолынан шығарды. Жартылай финалда Саркисянға тағы бір кореялық - үш дүркін Олимпиада чемпионы, соның ішінде Париж-2024-тің жекелей сындағы алтын жүлдегері О Сан Ук қарсы келді.

Қазақстандықтың О Сан Укқа қарсы жекпе-жегі 9:15 есебімен аяқталды. Артём финалға шыға алмады, осылайша оған қола медаль бұйырды.

Instagram-дағы бұл жарияланымды көру

𝑯𝑶𝑴𝑬 𝑶𝑭 𝑸𝑨𝒁𝑨𝑸𝑺𝑻𝑨𝑵 𝑺𝑷𝑶𝑹𝑻𝑺 (@qaz_team_official) парақшасынан жарияланым

Қазақстан құрамасында 2026 жылғы Азияданың қанша медалі бар?

Артём Саркисянның жүлдесі Қазақстан құрамасы үшін Жапония өтіп жатқан ойындардағы 18-ші медаль болды. Қазір біздің команда қоржынында 7 алтын, 4 күміс және 7 қола жүлде бар.

Айта кетейік, бүгін команда веложарыстан алтын мен күміс, нысана көздеуден күміс пен қола, ал спорттық жүруден күміс иеленді.

Бұл нәтиже біздің құрамаға жалпы медальдік есепте үшінші орынға күресті жалғастыруға мүмкіндік береді. Қазір Қазақстан мен Оңтүстік Корея құрамаларында 7 алтын медальдан бар, кореялықтар тек күміс жүлделер санының көптігіне байланысты алда тұр.

Қазақстандық Азия ойындарының алты дүркін чемпионы атанып, тарихқа енді