Қазақстандық вингер ресми түрде “Барселона“ ойыншысы атанды

Кәрім Мендіқанов Қазақстан жасөспірімдер құрамасы сапында. ©instagram.com/k.mendikanov

Қазақстан жасөспірімдер құрамасының 15 жасар вингері Кәрім Меңдіқанов "Барселона" ойыншысы атанды. Жас футболшы каталониялық клубпен келісімшартқа отырғанын өзінің әлеуметтік желілерінде хабарлады, деп хабарлайды Tengri Sport тілшісі Vesti.kz басылымына сілтеме жасап.

Меңдіқанов трансферді растады

Қазақстандық футболшы әлеуметтік желідегі парақшасында келісімшартқа қол қою рәсімінен фотосуреттер жариялады. Суреттерде келісімшартты рәсімдеу сәттері және футболшының "Барселона" эмблемасы алдында тұрған бейнесі көрсетілген.

Instagram-дағы бұл жарияланымды көру

Karim Mendikanov жариялаған жазба (@k.mendikanov)

"Өмірлік арманым болған клубпен келісімшартқа отырғанымды мақтан тұтамын", - деп жазды Меңдіқанов.

"Барселонаға" барар жол

Кәрім Испанияға 2022 жылы көшіп барып, сондағы жергілікті футбол жүйесінде шеберлігін шыңдай бастады.

Өткен маусымды ол аймақтық лигада өнер көрсететін "Серданьола" сапында өткізіп, мамандардың назарына ілікті. 2026 жылдың басында вингер "Сант-Кугатқа" ауысып, шабуылдың оң қанатында ойнап, бірден команда көшбасшыларының біріне айналды.

Нәтижелі ойын бірнеше клубтың қызығушылығын тудырғанымен, футболшы соңында "Барселонаны" таңдады.

Бейімделуді бастап кетті

Испаниялық ақпарат көздерінің мәліметінше, Меңдіқанов каталониялық клуб жүйесінде бірнеше жаттығу өткізіп үлгерген. Бұл жас ойыншыға "Барселона" академиясының талаптарына тезірек бейімделуге және әлемнің үздік клубтарының бірінде жаңа маусымға дайындықты бастауға мүмкіндік береді.

“Барселонадағы“ 15 жастағы қазақстандық: Меңдіқанов Испанияға қалай тап болды?