Қазақстанның бірінші ракеткасы Азиадада Өзбекстанды жеңіп, құрамаға жеңіс сыйлады

Данилина/Шевченконың Юлдашева мен Шинге қарсы матчі екі сетте 6:1; 7:5 есебімен аяқталды. Бұл жеңіс қазақстандық жұпқа 1/4 финалға шығуға мүмкіндік берді.

Айта кетейік, Анна Данилина - жұптық сында Қазақстанның бірінші ракеткасы. Ол әлемдік жұптық рейтингте алтыншы орында тұр.

Ал Шевченкоға келер болсақ, ол жекелей сындағы әлемдік рейтингтің 109-сатысында.

2026 жылғы Азиададағы теннис

Қазақстан құрамасы Азия ойындарында теннистің барлық түрінен - ерлер мен әйелдер арасындағы жекелей және жұптық сындарда, сондай-ақ миксте бақ сынап жатыр.

Қазіргі уақытта Данилина/Шевченко және Құламбаева/Жұқаев микс жұптары, Құламбаева/Жиенбаева және Данилина/Путинцева әйелдер жұбы, сондай-ақ жекелей сында Юлия Путинцева мен Александр Шевченко медальдар үшін күресті жалғастырып жатыр.

Теннис жарыстары 3 қазанға дейін созылады.

Бүгін Азиадада боксшылар - Алуа Балқыбекова, Наталья Богданова және Махмұд Сабырхан жартылай финалда жеңіліп, Қазақстан құрамасына үш қола медаль сыйлады. Қазақстан бокс федерациясы үш жекпе-жектің екеуінің нәтижесіне наразылық білдірді.

Ал дзюдошылар Елдос Сметов пен Әбиба Әбужақынова Азиаданың күміс жүлдегері атанды.