Қазақстанның бірінші ракеткасы “Ролан Гарросты“ жеңіспен бастады

Фото © Tengrinews.kz / Маржан Қуандықова

Қазақстандық Анна Данилина париждік Үлкен дулыға турнирінің жұптық сынындағы алғашқы матчінде чехиялық Малечкова/Скоч жұбын сенімді түрде жеңді, - деп хабарлайды Tengri Sport.

Қазақстандық Анна Данилина париждік Үлкен дулыға турнирінің жұптық сынындағы алғашқы матчінде чехиялық Малечкова/Скоч жұбын сенімді түрде жеңді, - деп хабарлайды Tengri Sport.

Жұптық сында елдің бірінші ракеткасы және әлемдік рейтингтің алтыншы нөмірі "Ролан Гарроста" сербиялық Александра Круничпен қайта жұп құрады. Қазақстан-сербия дуэті турнирді екі сетте 6:4; 6:1 есебімен айқын жеңіспен бастады.

Еске сала кетейік, Данилина дәл осы Круничпен бірге Australian Open - 2026 финалына дейін жеткен болатын.

Аустралиядағы табыстан кейін Крунич пен Данилина Дохадағы (Катар) турнирде жеңіске жетіп, Дубайда жартылай финалға дейін барды және Индиан-Уэллс финалына шықты, бірақ кейін Майамидегі алғашқы айналымда-ақ жарыс жолынан шығып қалды. Содан бері наурыздан бастап олар басқа серіктестермен өнер көрсетіп келген еді.

Instagram-дағы бұл жарияланымды көру

Anna Danilina-ның (@_annadanilina_) жарияланымы

"Ролан Гаррос" - 2026 турнирінде кімдер жарысты жалғастырып жатыр

Теннистен Францияның ашық чемпионатының жекелей сынында Қазақстанның төрт өкілі бақ сынады. Қазіргі уақытта әлемнің екінші ракеткасы Елена Рыбакина, сондай-ақ ерлер рейтингіндегі үздік қазақстандықтар Александр Бублик пен Александр Шевченко турнирдегі өнерлерін аяқтады.

Әйелдер арасында елдің екінші ракеткасы Юлия Путинцева жарысты жалғастырып жатыр. Бүгін ол екінші айналымда колумбиялық Осорио Серраномен кездеседі.

Жұптық және аралас сындардағы кестеде де тек Анна Данилина ғана қалды.