“Күші жойылуы мүмкін“ - WBO басшысы Әлімханұлының допинг дауынан кейінгі жазасы туралы

Орта салмақтағы қазақстандық әлем чемпионы Жәнібек Әлімханұлының командасы WBO-ға берілген апелляцияның сәтті аяқталуынан үмітті, - деп хабарлайды Tengri Sport.

Дүниежүзілік бокс ұйымының (WBO) президенті Густаво Оливьери бұрынғы пуэрто-рикалық боксшы, қазіргі журналист Сесар Сэдаға берген сұхбатында Жәнібек Әлімханұлының командасы боксшының шеттетілуіне байланысты апелляция бергенін мәлімдеді.

"Жәнібек пен оның командасы дисквалификацияға қарсы апелляция берді, қазіргі уақытта ол қаралып жатыр. Олар бұл шешімге қанағаттанбайды және оған шағым түсіруге заңды құқығы бар.

Бізде шағымданудың ішкі әкімшілік процесі, судья ретінде әрекет етіп, түпкілікті шешім қабылдайтын заңгерлер мен лицензиясы бар мамандардан тұратын комиссия бар", - деді WBO президенті Густаво Оливьери.

Жәнібек Әлімханұлының шеттетілуі WBA чемпионы Эрисланди Лараға қарсы жекпе-жектің тоқтатылуына және сайып келгенде қазақстандықтың Халықаралық бокс федерациясы (IBF) нұсқасы бойынша әлем чемпионы атағынан айырылуына әкеп соқты.

Бұл оның WBO аясындағы мойындалуын сақтап қалғанына қарамастан, біріктірілген чемпион мәртебесінен айырылуына себеп болды.

Дегенмен, президент Оливьеридің айтуынша, дивизионның белсенділігін төмендетпеу үшін уақытша чемпиондық белбеу құрылымын сақтай отырып, шағымдар мен талаптар жөніндегі комитет апелляцияны белсенді түрде қарастырып жатыр.

Сондай-ақ WBO президенті қазақстандық боксшыдан дисквалификацияның толықтай алып тасталу мүмкіндігін де жоққа шығармады.

"Бізге түпкілікті шешімді күту керек. Ол расталуы, өзгертілуі немесе мүлдем күші жойылуы мүмкін", - деп толықтырды Оливьери.

Егер Әлімханұлы апелляцияда жеңіске жетсе, WBO қазақстандық чемпион мен WBO уақытша белбеуінің қазіргі иегері Дензел Бентли арасындағы тікелей жекпе-жекке бірден көшуі мүмкін.

Бұл жағдайда чемпионмен жекпе-жекке міндетті үміткер ретінде қарастырылып жатқан Йоэнлис Эрнандес чемпиондық бәйгенің нәтижесін күтіп, келесі үміткер мәртебесінде қалады.

💣 Дензел Бентли Эндри Сааведраны техникалық нокаутпен жеңіп, орта салмақтағы WBO уақытша чемпионы атағын иеленді.pic.twitter.com/tSnP0o7hNq

— EverythingBoxing | Darshan Desai (@EverythingBoxi2) 4 сәуір, 2026 жыл

Жәнібек Әлімханұлына қатысты допинг дауы

Еске сала кетейік, 2025 жылдың желтоқсанында кубалық Эрисланди Лараға қарсы үш титул үшін өтуі тиіс жекпе-жекке бірнеше күн қалғанда, қазақстандық чемпионға допинг қолданды деген айып тағылған болатын. Сынамалардың бірінен тыйым салынған заттар табылып, соның салдарынан титулдық кездесу тоқтатылды.

Instagram-дағы бұл жарияланымды көру

Top Rank Boxing (@toprank) жарияланымы

2026 жылдың басында В сынамасын ашу процедурасы жүргізіліп, допингтің бар екені расталды.

Instagram-дағы бұл жарияланымды көру

JANIBEK | QAZAQ STYLE (@janibek_alimkhanuly) жарияланымы

Осыдан кейін Дүниежүзілік бокс ұйымы (WBO) Жәнібекті бір жылға шеттету туралы шешім шығарды, бірақ оны чемпиондық белбеуінен айырған жоқ.

IBF өз үкімін 10 наурызда жариялады: осы ұйымның регламентіне сәйкес, Әлімханұлы чемпиондық өкілеттігін тапсыруға мәжбүр болды.

Instagram-дағы бұл жарияланымды көру

JANIBEK | QAZAQ STYLE (@janibek_alimkhanuly) жарияланымы