+7 (777) 001 44
99
УЕФА инспекторы Скотт Стразерс Қызылордадағы "Қайсар Арена" стадионы ашылғаннан кейін алты ай өткен соң оған тексеріс жүргізді, деп хабарлайды Tengri Sport "Қайсар" ФК баспасөз қызметіне сілтеме жасап.
Баспасөз қызметінің ақпараты бойынша, Стразерс аренаның халықаралық матчтарды өткізуге әлеуеті бар екенін мәлімдеп, оны өзінің 15 жылдық жұмыс тәжірибесінде тексерген стадиондардың ішіндегі сапасы жағынан ең үздіктерінің бірі деп атады.
Келесі кезең – УЕФА-ның ресми санатын алу.
Еске сала кетейік, 11 мың көрерменге арналған жаңа арена Қызылордада 2025 жылдың 4 қазанында Қазақстан кубогының финалындағы "Ордабасы" (Шымкент) мен "Тобыл" (Қостанай) арасындағы матчпен ашылған болатын.
2026 жылдың қаңтарында "Қайсар Аренаның" халықаралық кездесулерді өткізуге мүмкіндік беретін санат алу үшін УЕФА инспекциясынан әлі өтпегені белгілі болды.
Бұл ретте стадион басшылығы біздің сауалымызға берген жауабында УЕФА инспекциясы процедуралық мәселе екенін, ал аренаның ең жоғары стандарттарға сай келетінін атап өткен болатын.
Instagram-дағы бұл жарияланымды көру
Қызылордадағы стадион құрылысы қаншаға түсті?
Туризм және спорт министрлігінің мәліметінше, арена құрылысына 20,9 миллиард теңге жұмсалған. Тамыз айында Қызылорда облысының әкімдігі біздің сауалымызға 26,5 миллиард теңге деп жауап берген болатын.
Айта кетейік, жоспар бойынша стадион УЕФА-ның III санатын алуы тиіс – яғни ол еурокубоктердің үшінші іріктеу кезеңі мен плей-офф матчтарын өткізуге жарамды болады, бірақ ұлттық құраманың ресми матчын немесе Чемпиондар лигасының жалпы кезеңінің ойындарын тек арнайы ерекше жағдайда ғана қабылдай алады.
Стадион тәуелсіздік алғаннан кейін Қазақстанда салынған басқа ареналар сияқты жасанды жабынмен жабдықталған.
Еске сала кетейік, елімізде мұндай үш стадион бар: "Астана Арена" (30 мың орын), "Түркістан Арена" (7 мың орын) және "Қайсар Арена" (11 мың орын).
