Карлсен блиц пен рапидте басымдыққа ие болып, содан кейін күннің қорытынды партиясына қатысу үшін тақтаға отырмады.
Бибісара Асаубаева қарсыласын белгіленген уақыт бойы күтті, содан кейін оған техникалық жеңіс берілді.
Магнус Карлсен Бибісара Асаубаеваға қарсы кезекті жылдам классика партиясынан бас тартты! Әлемнің 1-нөмірлі шахматшысы Магнус Карлсен Будапеште (Венгрия) өтіп жатқан Total Chess World Championship Tour Pilot 2026 турнирінде екінші күн қатарынан ГМ Бибісара Асаубаеваға қарсы Жылдам классика партиясына шығудан бас тартты. Карлсен төрт блиц және бір рапид партиясында жеңіске жетіп, тағы бір рапидте тең түсіп, 10–2 есебімен сенімді басымдық орнатты. Алайда Бибісара Жылдам классика партиясында барлық сегіз ұпайды еншілеп, жалпы матч есебін 10–10-ға жеткізді. Тең түскеніне қарамастан, Карлсен жалпы матчтағы жеңісті сақтап қалды. Қызығы, Карлсеннің классикалық партиядан тағы да бас тартуы оның 2800+ рейтингін қорғауына қатысты сұрақтар туғызды. Оның ағымдағы классикалық рейтингі 2801.2-ні құрайды. Егер Бибісара онымен тең ойнағанда, Магнустың рейтингі 17 жылда алғаш рет 2800 межесінен төмен түсер еді. #chess #magnuscarlsen #chessbasenepal 📷: Total Chess
— ChessBase Nepal (@chessbasenepal) 18 қараша, 2026 жыл
Еске сала кетейік, бұған дейін де Магнус Карлсен Бибісара Асаубаевамен соңғы партияны ойнаудан бас тартқан болатын. 17 қарашада әлемнің үздік шахматшысы қазақстандықтан үш блиц-партияда жеңіп, біреуінде тең түсіп, рапидтегі екі партияны да жеңіп, 11,5:0,5 есебімен мерзімінен бұрын жеңіске жеткен еді.
Алайда 8 ұпай сарапқа салынған қорытынды партияға Карлсен қатысудан бас тартты. Асаубаева қарсыласын тақта алдында 15 минуттан аса күтті. Карлсен залға келіп, бас төреші Анастасия Сорокинамен сөйлесті де, ойын аймағынан шығып кетті.
Уақыт аяқталғаннан кейін оған техникалық жеңіліс есептелді. Қазақстандық шахматшы тиесілі 8 ұпайын алды, осылайша күннің қорытынды есебі норвегиялықтың пайдасына 11,5:8,5 болды.
Матчта 11.5–0.5 есебімен жеңіске жетіп қойған Магнус Бибісараға қарсы "Жылдам классика" партиясына қатысудан бас тартты. #TotalChess https://t.co/jIiM3n9Y2x
— Total Chess (@TotalChess) 17 қараша, 2026 жыл
Әлемнің үздік шахматшысының Бибісара Асаубаевамен ойнаудан екінші рет бас тартуы оның осылайша өз рейтингін қорғауға тырысқан-тырыспағаны туралы сұрақтар туғызды. Қазіргі уақытта оның классикалық шахматта 2801,2 рейтинг ұпайы бар. Егер Бибісара тең түсе алғанда, Магнустың рейтингі кейінгі 17 жылда алғаш рет 2800 белгісінен төмен түсетін еді.
Айта кетейік, сол күні Магнус Карлсеннен бөлек, тағы екі гроссмейстер күндізгі матчтердің тағдыры шешіліп қойған соң жылдам классика форматындағы партияға шығудан бас тартты.
Абхиманью Мишра үндістандық шахматшы Рамешбабу Вайшалиге қарсы партияға шықпады. Мишра ол уақытта блиц пен рапидтен кейін айтарлықтай басымдыққа ие болып (11:1 есебімен алда тұрды), күндізгі матчтегі жеңісін қамтамасыз етіп қойған еді.
Ал Рихард Раппорт армян гроссмейстері Айк Мартиросянға қарсы партияға шықпады. Раппорт матчте жеңіліп жатты (бірінші күннен кейін 9:11 және сәтсіз екінші күн - блиц пен рапидтен кейін 2:10). Тіпті классикадағы жеңіс тек сол күннің есебін теңестіргенімен, жалпы нәтижені құтқара алмас еді.
Forfeit Forfeit Forfeit | Magnus, Abhimanyu & Rapport https://t.co/7hozg8xtxm
— ChessBase India (@ChessbaseIndia) 18 қараша, 2026 жыл
Әлемнің үздік шахматшысы Бибісара Асаубаеваға қарсы ойнаудан бас тартты: мән-жайы