“Манчестер Юнайтед” аңызы Қазақстанның қаласы туралы ойын айтты

Фото: akasa studyo/depositphotos.com

Қазіргі уақытта "Ақтөбе" сапында жүрген португалиялық футболшы Луиш Нани демалыс күндерін отбасы және достарымен өткізіп, алған әсерін бөлісті, деп хабарлайды Tengri Sport футболшының әлеуметтік желілеріне сілтеме жасап.

Қазіргі уақытта "Ақтөбе" сапында жүрген португалиялық футболшы Луиш Нани демалыс күндерін отбасы және достарымен өткізіп, алған әсерін бөлісті, деп хабарлайды Tengri Sport футболшының әлеуметтік желілеріне сілтеме жасап.

"Манчестер Юнайтед", "Спортинг" және "Валенсияның" бұрынғы футболшысы Ақтөбедегі демалыс күндерінен суреттер мен видео жариялады.

Кадрлардың сипаттамасында ол қаланы ұлы деп атады.

"Отбасым және достарыммен демалыс. Осынау ұлы қала Ақтөбемен танысып жатырмын", - деді ойыншы.

Айта кетейік, Нани ағылшындық "Манчестер Юнайтед" сапында 2007/2008 жылдан 2014/2015 жылға дейінгі маусымдарда өнер көрсетті.

Осы жылдар ішінде ол Чемпиондар лигасын, төрт рет Англия чемпионаты мен Суперкубогын, сондай-ақ екі рет Англия лигасының кубогын жеңіп алды. Оның еншісінде "Манчестер Юнайтед" сапындағы 230 матчте 41 гол мен 66 нәтижелі пас бар.

Instagram-дағы бұл жарияланымды көру

Luís Nani-дің жарияланымы (@luisnani)

"Манчестер Юнайтед" аңызының жолы әзірге болады

2026 жылдың қысында атақты португалиялық карьерасын аяқтағаннан кейін қайта келіп, "Ақтөбе" сапында футболға оралды. Қазақстанда ол жеті ойын (алтауы чемпионатта және біреуі кубокта) өткізіп, тек бір нәтижелі паспен көзге түсті.

Сонымен қатар, 39 жастағы вингер әзірге бірде-бір толық матч өткізген жоқ. Алаңда өткізген уақыты бойынша ең жоғары көрсеткішті Нани "Ақтөбенің" чемпионаттағы соңғы ойынында көрсетті. Елордалық "Жеңіске" қарсы ойында португалиялық алаңда 71 минут болып, сары қағаз алды, ал команда 0:1 есебімен есе жіберді.

– Сіздің ойыңызша, Луиш Нани команданың олқылығы ма (баг) әлде артықшылығы ма (фича)? Ол команда нәтижелерін жақсарта алатын адам ба, әлде қазір команданы төмен тартып жүрген жан ба?

"Біз Нанидің жоғары деңгейлі ойыншы болғанын түсінуіміз керек. Бірақ ол зейнетте болып, бір жыл бойы футбол ойнамады. Қазір ол оралып, бабында болу және жоғары деңгейге жету үшін барын салып жатыр. Бірақ бұл оңай емес.

Егер Нани бабында болса және бүкіл уақытын командаға арнаса, біз табысқа жететінімізге 100 пайыз сенімдімін", - деп жауап берді Tengри Sport тілшісінің сауалына словакиялық маман Штефан Таркович Астанадағы жеңілістен кейінгі баспасөз мәслихатында.