Мәнерлеп сырғанаудан тарихи турнир Астанадан ауыстырылды

Ресейлік БАҚ-та мәнерлеп сырғанаудан маусымдағы басты турнирлердің бірі өтетін орнын өзгерткені туралы ақпарат пайда болды – ол елорданың орнына Қазақстанның басқа қаласында өтеді.

Tengri Sport тілшісі бұл ақпаратты растау үшін мәнерлеп сырғанаудан Қазақстан құрамасының бас жаттықтырушысы Әсем Қасановаға сауал жолдап, ресми жауап алды.

Айта кетейік, айтулы шара 2027 жылдың 10-14 ақпан аралығында "Барыс Аренада" өтеді деп жоспарланған болатын. Халықаралық конькимен сырғанаушылар одағының ресми сайты әзірге жарыстың өтетін орны мен күнін өзгерткен жоқ.

Фото: isu-skating.com/en

Біз жағдайды нақтылау үшін Қазақстанның мәнерлеп сырғанау федерациясына сауал жолдадық.

Төрт құрлық чемпионаты дегеніміз не?

Еске сала кетейік, бұл жарыс – өзге құрлықтық біріншіліктердің аналогы, бірақ оның ерекшелігі сол, Еуропа чемпионатынан айырмашылығы мұнда бірден төрт құрлықтың – Америка, Азия, Африка және Океания өкілдері мұз айдынына шығады.

Өткен жылы бұл турнирдің чемпионы болашақ Олимпиада чемпионы Михаил Шайдоров атанды. Сол кезде бұл медаль оның мансабындағы ең басты жетістігі болған еді.

Қазақстан мен Астана бұған дейін мәнерлеп сырғанаудан мұндай деңгейдегі турнирлерді қабылдамаған, сондықтан Төрт құрлық чемпионатын тарихи оқиға деп атауға болады.

Сонымен қатар Алматы мен Астананың ISU күнтізбесіндегі жыл сайынғы беделді турнир – Денис Тен мемориалын өткізу тәжірибесі бар. Биыл ол Алматыда өтті, бірақ оған мәнерлеп сырғанаудан Қазақстан ерлер құрамасының көшбасшысы Михаил Шайдоров қатыспады. Әйелдер құрамасының үздігі Софья Самоделкина турнирдің қола жүлдегері атанды.

Михаил Шайдоров әлемдік рейтингте тарихи жетістікке жетті