Бокстан Қазақстан құрамасы Бразилияның Фос-ду-Игуасу қаласында өтіп жатқан 2026 жылғы Әлем кубогының бірінші кезеңіне қатысады, - деп хабарлайды Tengri Sport.
Бүгін, 20 сәуірде бокстан 2026 жылғы Әлем кубогының бірінші кезеңі басталады.
Турнирдің алғашқы күні Қазақстан құрамасынан 5 боксшы бақ сынайды.
Олардың үшеуі күндізгі сессияда жекпе-жек өткізсе, қалған екі спортшы кешкі сессияда рингке шығады.
Қазақстан боксшыларының жекпе-жек кестесі
Күндізгі сессия
- 54 келіге дейін (әйелдер): Назым Қызайбай - Айсен Таскин (Түркия), 1/16 финал, 2-жұп (А рингі)
- 60 келіге дейін: Жансері Көшербаев - Джуд Галлахер (Ирландия), 1/16 финал, 8-жұп (В рингі);
- 90 келіге дейін: Дәулет Төлемісов - Фильо Исайас (Бразилия), 1/8 финал, 10-жұп (А рингі);
Кешкі сессия
- 70 келіге дейін: Фарух Тоқтасынов - Джон МакКоннел (Ирландия), 1/16 финал, 4-жұп (В рингі);
- 80 келіге дейін: Диас Молжігітов - Кай Ториабе (Жапония), 1/16 финал, 13-жұп (А рингі).
Қазақстан құрамасы жекпе-жектерінің тікелей трансляциясы
Бокстан Әлем кубогы кезеңіндегі жекпе-жектердің тікелей трансляциясын Panam Sports сайтының арнасынан көруге болады. Айта кетейік, күндізгі сессия Қазақстан уақытымен сағат 19:00-де, ал кешкі сессия 21 сәуірге қараған түні сағат 01:00-де басталады.
Еске сала кетейік, турнир 2026 жылдың 20-26 сәуір аралығында өтеді. Қазақстаннан бөлек, жарысқа 50-ден аса елден 400-ге жуық боксшы қатысады деп күтіледі.
+7 (777) 001 44 99
