+7 (777) 001 44
99
35 жастағы Елеусіновтің жұлдызы 2013 жылы елімізде өткен әлем чемпионатында жанды. Сол кезде ол алтын иеленіп, ұлттық құраманың бірінші нөміріне айналды.
Үш жылдан соң ол Рио Олимпиадасында әлемдегі ең үздік екенін дәлелдеп, мәртебесін нығайтты.
Кейінгі сегіз жылда белгілі болғандай, Елеусіновтің алтыны Қазақстанның олимпиадалық боксы үшін әзірге соңғысы болып тұр – содан бері Ойындарда жеңіске жету ешкімнің бағына бұйырмады.
Кәсіпқой бокстан әлем чемпионы
Олимпиада алтынынан кейін екі жыл өткен соң, Данияр Елеусінов кәсіпқой келісімшартқа қол қойып, көп ұзамай жаңа мәртебедегі алғашқы атағын – IBF Inter-Continental нұсқасы бойынша чемпион белбеуін жеңіп алды.
2021 жылы ол IBO нұсқасы бойынша әлем чемпионы атанып, бұл атақты 2024 жылға дейін сақтап келді. Алайда агенттермен болған ұзақ сот процестеріне байланысты оның кәсіпқой бокстағы мансабы уақытша тоқтап қалды.
Елеусінов шаршы алаңға тек 2024 жылы оралды – Алматыда өткен жекпе-жекте филиппиндік Джо Нойней бесінші раундта кездесуді жалғастырудан бас тартып, жеңіс Даниярға бұйырды.
Елеусінов өзінің осы уақытқа дейінгі соңғы жекпе-жегін өткен жылдың шілдесінде өткізді – филиппиндік Джеймс Бейкон екінші раундта-ақ тізе бүкті.
Сонымен қатар 2025 жылдың наурызында Елеусінов қазақстандықтардың арасында алғашқы болып Дана Уайттың кәсіпқой боксшыларға арналған жаңа промоушенімен келісімшартқа отырды. Жаңа федерация аясындағы алғашқы жекпе-жегі бірнеше рет шегерілді, бірақ дебюті әлі өткен жоқ.
SauBall YouTube-арнасына берген сұхбатында Елеусінов рингке сәуірде оралуы керек екенін айтқан болатын, бірақ бұл жоспары іске аспады.
Төлемдер мен жарына қатысты даулар
2023 жылы олимпиада чемпионының төңірегінде дау туды – оның елордалық №3 БЖСМОР-да жұмысқа келмей, жалақы алып жүргені анықталды.
Оның айтуынша, ол АҚШ-тан келген кезде шеберлік сабақтарын өткізген, сондай-ақ қашықтан жұмыс істейтін жаттықтырушы-оқытушы болған. Соңында спортшы төлемдерді қайтаратынын айтты.
Instagram-дағы бұл жарияланымды көру
Ал биыл Данияр Елеусіновтің жары Саидаға қатысты шу шықты. Қарағандыда ол пәтер бойынша көршілерімен жанжалдасып, іс полицияға арыз жазуға дейін барған.
Нәтижесінде екі қылмыстық іс қозғалды – чемпионның жары да қарсы арыз түсірді.
Instagram-дағы бұл жарияланымды көру
Елеусінов қатысқан ЖКО: не белгілі?
Еске салсақ, 9 шілде күні таңертең полиция қызметкерлері екі бірдей жол-көлік оқиғасына себепкер болған Toyota Land Cruiser жүргізушісін ұстағаны туралы ақпарат тарады.
Tengrinews тілшісіне ПД баспасөз қызметі көлік тізгінінде Данияр Елеусінов болғанын растады. Полиция мәліметінше, оның бойында алкогольдік мас болу белгілері байқалған.
Желіде Олимпиада чемпионы Данияр Елеусіновті ұстау сәті түсірілген фото пайда болды
