Өзбекстандық қарсыласын ұтқан қазақстандық боксшы Азия чемпионатының алтынын жеңіп алды

Фото: instagram.com/boxingkazakhstan/

Боксшы Камила Оспанова 19 жасқа дейінгі спортшылар арасындағы бокстан Азия чемпионатында Қазақстан құрамасына алғашқы алтын медальді сыйлады, деп хабарлайды Tengri Sport.

70 келіге дейінгі салмақ дәрежесіндегі финалдық жекпе-жекте ол Өзбекстан өкілі Мафтуна Янгиевамен кездесті.

Үш раундтың қорытындысы бойынша Камила төрешілердің шешімімен 3:2 есебімен жеңіске жетті.

Айта кетейік, Оспанова мен Янгиева арасындағы бәсеке Азия чемпионатында Қазақстан құрамасы өкілдерінің қатысуымен өткен алғашқы финал болды.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Бүгін шаршы алаңға U-19 санатында тағы екі спортшы, сондай-ақ U-23 санатында команданың алты өкілі шығады.

Еске сала кетейік, 19 жасқа дейінгі және 23 жасқа дейінгі спортшылар арасындағы бокстан Азия чемпионаты Джакартада (Индонезия) өтіп жатыр. Турнир ертең ерлер командаларының қатысуымен өтетін финалдық бәсекелермен аяқталады.