Рекорд және алтын: қазақстандықтар ауыр атлетикадан әлем чемпионатында қалай өнер көрсетті?

Қазақстандық ауыр атлеттер жасөспірімдер арасындағы әлем чемпионатында бес медаль иеленді, оның бірі алтын, - деп хабарлайды Tengri Sport Ұлттық олимпиадалық комитетінің баспасөз қызметіне сілтеме жасап.

Мысырдың Исмаилия қаласында өткен турнир Қазақстан құрамасы үшін қоссайыс түрінен жеңіссіз аяқталды.

Дегенмен, жекелеген жаттығуларда әлемдік рекорд орнатып, 88 келіге дейінгі салмақ дәрежесінде алтын медаль жеңіп алудың сәті түсті.

"Жұлқа көтеруде" Әлихан Әскербай 161 келіні бағындырып, тұғырдың екінші сатысына көтерілді. "Серпе көтеруде" Ерасыл Сәулебеков (199 келі) бірінші болды. Әскербай үшінші нәтижені (194 келі) көрсетті. Қос ауыр атлет те қоссайыс қорытындысы бойынша үздік үштікке енді. Сәулебеков екінші (356 келі), ал Әскербай үшінші (355 келі) нәтиже көрсетті", - деп хабарлады ҰОК.

Бұған дейін 65 келіге дейінгі салмақ дәрежесінде жасөспірімдер арасындағы әлем рекордын Бейбарыс Ерсейіт жаңартқан болатын. Ол жұлқа көтеруде 131 келіні көтерді.

Алайда жарыс барысында оның нәтижесін бірнеше қарсыласы басып озып, қазақстандық спортшы жүлдесіз қалды.