+7 (777) 001 44
99
Әлемнің екінші ракеткасы, қазақстандық теннисші Елена Рыбакина Франция ашық чемпионатының алғашқы матчында словениялық Вероника Эрьявецті ойсырата жеңді, деп хабарлайды Tengri Sport.
Әлемнің 84-ракеткасы саналатын словениялық спортшы бірінші сетте тек екі гейм алып, 36 минут ішінде қазақстандыққа есе жіберді.
Екінші сетте де тартысты ойын бола қойған жоқ: Эрьявец бірден өз добын берудегі екі геймде ұтылып, Рыбакина матчті жеңіспен аяқтады.
Ойын 6:2; 6:2 есебімен Елена Рыбакинаның айқын жеңісімен аяқталды.
Айта кетейік, Эрьявец қазақстандық теннисшінің "Ролан Гаррос – 2026" турниріндегі алғашқы қарсыласы болды. Париж кортында өтіп жатқан бұл турнир әлемдік турдағы ең беделді төрт жарыстың бірі және Үлкен дулыға турнирлері қатарына кіреді.
Елена Рыбакина әлемнің бірінші ракеткасы атағы үшін күреседі
Естеріңізге сала кетейік, қазақстандық Елена Рыбакина биылғы маусымда Үлкен дулыға сериясының алғашқы турнирі – Australian Open жарысында жеңімпаз атанған болатын. Бұл табысы, сондай-ақ тағы бірнеше сәтті өнер көрсетуі Еленаға әлемдік рейтингтегі көшбасшылық үшін таласта беларусьтік Арина Соболенкоға жақындауға мүмкіндік берді.
Белгілі бір жағдайда, "Ролан Гаррос" қорытындысы бойынша қазақстандық спортшы әлемнің үздік теннисшісі атануы мүмкін. Ол үшін оған қарсыласынан 600 ұпай артық жинау қажет.
Instagram-дағы бұл жарияланымды көру
"Ролан Гарроста" қанша қазақстандық ойнап жатыр?
Әлемнің екінші ракеткасынан бөлек, Париждегі турнирде Қазақстан намысын жекелей сында тағы үш спортшы Юлия Путинцева, Александр Бублик және Александр Шевченко қорғайды.
Соңғысы бірінші айналымда америкалық Микельсонға үш сетте есе жіберіп, жарыс жолынан шығып қалды.
Сонымен қатар, жұптық сында Бублик пен Шевченко бірге өнер көрсетеді, Путинцева британиялық Бутлермен, ал Анна Данилина сербиялық Александра Круничпен жұп құрайды.
“Мен де қосыламын“: Елена Рыбакина жүлде қорына байланысты теннисшілердің бойкоты туралы айтты
