Рыбакина Цинциннатидегі WTA 1000 турнирінің төртінші айналымына шықты

Елена Рыбакина. Фото: ktf.kz

Қазақстанның бірінші ракеткасы Елена Рыбакина Цинциннатиде (АҚШ) өтіп жатқан WTA 1000 турнирінің төртінші айналымына шықты, деп хабарлайды Tengri Sport Championat басылымына сілтеме жасап.

Жарыстың үшінші айналымында қазақстандық теннисші Польша өкілі Магдалена Френхті (рейтингте 41-орын) 6:4, 7:6 (7:2) есебімен жеңді. Кездесу 1 сағат 59 минутқа созылды.

Instagram-дағы бұл жарияланымды көру

WTA (@wta) жарияланымы

Рыбакинаның келесі қарсыласы Диана Шнайдер (Ресей) - Майя Хвалиньска (Польша) матчінің жеңімпазы болады.

Instagram-дағы бұл жарияланымды көру

WTA (@wta) жарияланымы

Бұған дейін қазақстандық спортшының Цинциннатидегі матчі жаңбырға байланысты тоқтатылғаны хабарланған болатын.

Рыбакина жарысты екінші айналымнан бастап, бұл кезеңде америкалық Тейлор Таунсендті (№ 94) қапы қалдырды. Ал Френх өз кезегінде екі матч өткізіп, хорватиялық Антония Ружич (№ 61) пен латвиялық Елена Остапенконы (№ 30) жеңген еді.

Цинциннати турнирі 13-23 тамыз аралығында өтеді. Жарыстың жалпы жүлде қоры шамамен 7,43 миллион долларды (шамамен 3,45 миллиард теңге) құрайды.

Елена Рыбакина Теннис