+7 (777) 001 44
99
Осы маусымдағы соңғы Үлкен дулыға турнирінің 1/8 финалында Рыбакина жапониялық Наоми Осаканы екі сетте ұтты.
Көпшілік ширек финалда қазақстандық спортшы үшінші турнир қатарынан әлемнің бұрынғы бірінші ракеткасы Ига Швёнтекпен кездеседі деп күткен еді, алайда ол қытайлық Чжэн Циньвэньнен сенсациялық түрде ұтылып қалды. Енді 23 жастағы қытайлық теннисші Еленаны әлемнің бірінші ракеткасы атағынан айыруға тырысады.
Чжэн Циньвэнь туралы не белгілі?
Спортшылардың қазіргі рейтингіне қарасақ, Циньвэньнің Швёнтекті жеңуі таңғаларлық жағдай сияқты көрінеді. Қытайлық теннисші небәрі 121-орында тұр және US Open негізгі кезеңіне іріктеу арқылы жолдама алған.
Бірақ осыдан бір жыл бұрын "Ролан Гаррос" турнирінің 1/4 финалына шыққаннан кейін қытайлық теннисші рейтингте 4-орында болған, ал екі жыл бұрын Париж Олимпиадасының алтынын жеңіп алған еді. Сондай-ақ оның қоржынында Үлкен дулыға турнирінің финалы бар – 2024 жылы Australian Open финалында ол тек беларуссиялық Арина Соболенкоға жол берген болатын.
Ағымдағы US Open турниріне келетін болсақ, Циньвэнь тағы бір қазақстандықтан ұтылып қала жаздады – Юлия Путинцева екінші айналымда одан бір сетті ұтып алғанымен, қорытындысында есе жіберді. Путинцевадан кейін қытайлық спортшы әлемнің 24-ракеткасы, америкалық Мэдисон Кизді жарыстан шығарып, ақыры Швёнтекке жетті.
Instagram-дағы бұл жарияланымды көру
Рыбакина Циньвэньмен қалай ойнап еді?
Қазақстандық әлемнің екінші ракеткасы қытайлықпен карьерасында бес рет кездескен, оның ішінде екеуі осы маусымда болды. Циньвэнь тек бір рет – 2024 жылғы Қорытынды турнирдің топтық кезеңіндегі матчте жеңіске жете алды.
Бұл ретте бес матчтің төртеуі үш сетке созылды, ал Елена өзінің жалғыз сенімді жеңісіне 2023 жылғы Қытайдағы турнирде қол жеткізген болатын.
Instagram-дағы бұл жарияланымды көру
Елена Рыбакина әлемнің бірінші ракеткасы атануы мүмкін
Еске сала кетейік, US Open басталмас бұрын Әйелдер теннис қауымдастығы (WTA) әлемдік рейтингтегі жағдайға қатысты мәлімдеме жасаған болатын. Мақалаға сәйкес, қазақстандық теннисшіге мансабында алғаш рет бірінші орынға көтерілу үшін, басқа қарсыластарының нәтижелеріне қарамастан, жартылай финалға жету жеткілікті.
Сонымен қатар тіпті ширек финалда жеңіліп қалса да, Рыбакинаның бірінші сатыға көтерілу мүмкіндігі сақталады. Бұған тек үш теннисшінің бірі – қазіргі бірінші ракетка, Беларусь өкілі Арина Соболенко немесе екі америкалық Джессика Пегула мен Коко Гауффтың турнирде жеңіске жетуі ғана кедергі болуы мүмкін. Олардың барлығы да ширек финалға шығып үлгерді.
Айта кетейік, егер Елена Рыбакина әлемнің бірінші ракеткасы атанса, ол еліміздің атынан әлемдік теннистің бұл шыңын бағындырған алғашқы спортшы болады.
Instagram-дағы бұл жарияланымды көру
Рыбакина - Циньвэнь матчі: әлемнің бірінші ракеткасы атағы үшін тартысты қашан көруге болады?
US Open турнирінің ширек финалындағы қазақстандық Елена Рыбакина мен қытайлық Чжэн Циньвэнь арасындағы ойын 9 қыркүйекке жоспарланған. Басталуының алдын ала уақыты – Қазақстан уақытымен 20:00, бірақ ол өзгеруі мүмкін.
Қазақстандық телеарналар US Open турнирін тікелей эфирде көрсетпейді, бірақ трансляция Eurosport арнасында болады.
Елена Рыбакина мансабында алғаш рет US Open ширек финалына шықты
