Рыбакинаның Торонтодағы келесі қарсыласы белгілі болды

Фото © Tengrinews.kz / Тұрар Қазанғапов

Әлемдік рейтингте екінші орында тұрған қазақстандық теннисші Елена Рыбакина Торонтодағы (Канада) WTA 1000 турнирінің төртінші айналымында ресейлік Людмила Самсоновамен кездеседі, - деп хабарлайды Tengri Sport.

Ойын қашан өтеді?

Бұған дейін Рыбакина екі сетте америкалық Энн Лиді 6:2, 7:5 есебімен жеңген болатын. Самсонова болса, өз кезегінде Аустралия өкілі Майя Джойнттан басым түсті - 7:5, 6:7 (3:7), 6:2.

Ширек финалға жолдама беретін кездесу жексенбі, 9 тамызда Қазақстан уақытымен сағат 19:00-де басталады.

Еске салайық, WTA 1000 сериясындағы турнир Торонтода 2-13 тамыз аралығында хард төсемінде өтіп жатыр. Оның жүлде қоры - 7,4 миллион доллар (шамамен 3,5 миллиард теңге). Жеңімпаз 1,085 миллион доллар (шамамен 509 миллион теңге) мен 1000 рейтингтік ұпайға ие болады.