+7 (777) 001 44
99
Сәуірдің 22-інен 23-іне қараған түні Фос-ду-Игуасу қаласында (Бразилия) Қазақстан құрамасының қатысуымен бокстан Әлем кубогының бірінші кезеңінің үшінші күні өтті, деп хабарлайды Tengri Sport.
Турнирдің үшінші күні қазақстандықтар ширек финалға шығу құқығы үшін бақ сынасты.
Осы кезеңнің басты сенсациясы Қазақстанның ең атақты боксшысы Назым Қызайбайдың жеңілісі болды.
Польшалық Виктория Рогалиньскаяға қарсы бірінші раунд Назымның пайдасына аяқталды, алайда келесі екі раундта жеңіс поляк қызына берілді.
Нәтижесінде Рогалиньская 4:1 есебімен жеңіске жетіп, ширек финалға өтті.
Қазақстан құрамасынан рингке екінші болып 70 келіге дейінгі салмақ дәрежесіндегі Фарух Тоқтасынов шықты. Ол жапониялық Сэвон Окадзаваны төрешілердің бөлек шешімімен 3:2 есебімен жеңді.
Instagram-дағы бұл жарияланымды көру
Кейінірек, турнирдің кешкі сессиясында 60 келіге дейінгі салмақ дәрежесінде өнер көрсететін қазақстандық Виктория Графеева Әзірбайжан боксшысы Эмили Рзаевамен қолғап түйістірді.
Жекпе-жек екінші раундта нокаутпен аяқталды. Раунд ортасында рефери кездесуді тоқтатып, Рзаеваға техникалық нокаут жазды.
Әйелдер арасындағы 70 келіге дейінгі дивизион өкілі Наталья Богданова Токио (Жапония) Олимпиадасының чемпионы, түркиялық Бусеназ Сюрменелиге жол берді. Жекпе-жек толық аяқталып, 4:0 есебімен аяқталды.
Бұдан кейін рингке 50 келіге дейінгі салмақ дәрежесіндегі Даниял Сабит шығып, венгриялық боксшы Иштван Саканы жеңді. Қазақстандық бірінші раундта айқын ұтылғанымен, екінші раундтан бастап кездесу барысын өзгертіп, жеңісті жұлып алды.
Instagram-дағы бұл жарияланымды көру
Турнирдің үшінші күнінің қорытынды жекпе-жегінде 80 келіге дейінгі салмақ дәрежесіндегі қазақстандық Диас Молжігітов австралиялық боксшы Марлон Севехонды 4:1 есебімен қапы қалдырып, турнирдің ширек финалына өтті.
Instagram-дағы бұл жарияланымды көру
Естеріңізге сала кетейік, турнир 26 сәуірге дейін жалғасады. Жарысқа Қазақстаннан бөлек 50-ден астам елден 400-ге жуық боксшы қатысады деп жоспарланған.
Instagram-дағы бұл жарияланымды көру
