+7 (777) 001 44
99
УЕФА қазақстандық футбол клубтарына еурокубоктардағы өнері үшін шамамен 12 миллиард теңге төлейді, - деп хабарлайды Tengri Sport Football Meets Data порталына сілтеме жасап.
Футбол қауымдастықтарының еурокубоктарға қатысу арқылы тапқан табысын есептейтін статистикалық портал 2025/2026 маусымының деректерін жариялады.
Қазақстан иеленген сыйақы көлемі бойынша үздік 25 қауымдастықтың қатарына енді.
Портал мәліметінше, "Қайраттың" Чемпиондар лигасындағы өнері оларға 21,2 миллион еуро немесе 11,8 миллиард теңге табыс әкелген. Бұл көрсеткіш барлық еуропалық қауымдастық арасында 21-орын болды. Посткеңестік кеңістікте тек әзербайжандықтар ғана көбірек табыс тапты (36 миллион еуро).
Айта кетейік, БАҚ есептеулерінде тек еурокубоктардың негізгі кезеңіндегі нәтижелер ескерілген. Клубтардың іріктеу кезеңдерінде тапқан қаражаты бұл есепке кірмеген.
Биылғы еурокубоктардың қорытындысы бойынша ең бай қауымдастық Англия болды - 676 миллион еуро. Сонымен қатар, тіпті Конференция лигасының жеңімпазы атану "Қайраттың" Чемпиондар лигасына қатысқанынан азырақ табыс әкелген (21,2 миллионға қарсы 20,4 миллион).
💰 +€3m added by 🏆 Crystal Palace winning the UECL Final lifted 🏴 England's UEFA prize money tally to €676m overall.
- Football Meets Data (@fmeetsdata) May 28, 2026
That's €230m more than the next highest earning country - 🇪🇸 Spain.
🏴 England's prize money earnings by competition:
🔵 UCL: €590.6m (87%)
🟠 UEL:… pic.twitter.com/3qomy75uJl
2025/2026 маусымындағы еурокубоктардағы қазақстандық клубтар
2025/2026 маусымында еурокубоктарға Қазақстан атынан төрт команда - "Қайрат", "Астана", "Ақтөбе" және "Ордабасы" қатысты.
Елордалық ұжым Конференция лигасының үшінші іріктеу кезеңінде Швейцарияның "Лозаннасынан" ұтылса, "Ордабасы" бірінші кезеңде грузиялық "Динамодан" жеңілді. "Ақтөбе" жолын Еуропа лигасының іріктеуінен бастағанымен, польшалық "Легиядан", кейін Конференция лигасында чехиялық "Спартадан" жеңіліп қалды.
Ал "Қайратқа" келетін болсақ, олар Чемпиондар лигасының жалпы кезеңіне сенсациялық түрде шыққаны үшін және матчтердің бірінде тең түскені үшін сыйақы алды. Бұдан бөлек, "Қайрат" жалпы кезеңнің барлық қатысушысы арасында қорытынды кестедегі орнына байланысты бөлінетін қаражаттың бір бөлігіне ие болды.
Еске сала кетейік, 2026/2027 маусымында Еуропада Қазақстаннан тағы да төрт команда өнер көрсетеді: "Қайрат" Чемпиондар лигасының іріктеуінде, ал "Астана", "Тобыл" және "Елім-ай" Конференция лигасында бақ сынайды.
Фото © Tengrinews.kz / Әлімжан Аманжол
