+7 (777) 001 44
99
"Тоттенхэм Хотспур" клубының футбол жөніндегі бұрынғы директоры Скотт Мунн Қазақстан футбол федерациясының (ҚФФ) бас хатшысы лауазымына ұсынылды, - деп хабарлайды Tengri Sport тілшісі ҚФФ баспасөз қызметі.
Ұйымның баспасөз қызметі мәліметінше, ҚФФ басшысы Марат Омаров Скотт Муннның кандидатурасын бас хатшы лауазымына тағайындау үшін ҚФФ атқарушы комитетінің қарауына және бекітуіне ұсынды.
"Аталған кандидатура бекітілген жағдайда, Қазақстан футболы тарихындағы халықаралық деңгейі жоғары басшының тағайындалуы болмақ. Бұл ҚФФ-ның әлемнің жетекші футбол федерацияларының стандарттарына сай болуға ұмтылысын көрсетеді", - делінген федерация мәлімдемесінде.
Айта кетейік, Мунн 2023-2025 жылдар аралығында "Тоттенхэмде" футбол жөніндегі директор қызметін атқарған.
Бұған дейін Скотт Мунн Қытайдың "Сычуань Цзюньню" клубында жұмыс істеген және Аустралияның "Мельбурн Сити" клубының алғашқы бас директоры болған.
ҚФФ мәлімдемесі бойынша, жаңа бас хатшының кандидатурасы атқарушы комитеттің таяудағы отырысында қаралады.
Еске сала кетейік, бұған дейін федерацияда бұл қызметті Қазақстан құрамасының бұрынғы қақпашысы Давид Лория атқарған болатын.
Instagram-дағы бұл жарияланымды көру
