Турнирдің Instagram парақшасында ұйым ойын күніндегі қақпашылардың үздік сейвтерін жариялаған.
Үздік сейв авторы атағына үміткерлер қатарына 23 жастағы қазақстандық та енді.
"Үшінші турда бірнеше ғажап сейв жасалды! Үздік сейвті жасаған кім - Анарбеков, Бакхаус, Ройс, Кокубо, Лундин, Дроммел немесе Ханкинс?" - делінген жазбада.
Осылайша, Анарбековтың ойыны жанкүйерлерге ұсынылған жеті эпизодтың қатарынан табылды.
"Аталанта" - "Қайрат" матчі 6 қарашаға қараған түні Бергамода өтіп, 1:1 есебімен аяқталды. Ойында қазақстандық қақпашы алты сейв жасаған. 53-минутта Марк Гуаль есеп ашса, 82-минутта Никола Крстович италиялық командаға жеңілістен құтылуға көмектесті.
Айта кетейік, осы Конференция лигасы маусымында УЕФА екінші рет қазақстандық қақпашының ойынын ерекше атап өтті. Бірінші турдан кейін латвиялық "Рига" командасына қарсы қонақта өткен матчте (1:1) Анарбеков пенальти қайтарып, көзге түскен болатын.
Үш турдан кейін "Қайрат" екі ұпай жинады. Еурокубоктағы келесі матчті алматылық команда өз алаңында, 26 қарашада Швецияның "Мьельбю" командасына қарсы өткізеді.
“Қазақ сорпасынан дәм татты“ - италиялық БАҚ “Қайраттың“ сенсациялық тең ойыны туралы