Ұлыбританиялық БАҚ Дастан Сәтпаевты “Челси“ құрамына қосты

Мақала лондондық клубтың трансферлік саясатына арналған, оның бір тармағы - өте көп ойыншыны жалға беру. БАҚ өкілдері "Челсидің" жалға берілген 19 ойыншысын санап шықты, олардан қосалқы құрамы бар, бәсекеге қабілетті команда жинауға болады.

"Шын мәнінде, қазір "Челсидің" жалға берілген ойыншыларының көптігі сондай, олардан кем дегенде Чемпионшипте бақ сынай алатын айтарлықтай мықты құрам жасақтауға болады", - деп жазады басылым.

Мақала авторларының пікірінше, қазіргі уақытта "Бернлиде" ойнап жүрген Қазақстан құрамасының 18 жастағы вингері Дастан Сәтпаев "Челси" құрамында бастапқы минуттан шығар еді.

Айта кетейік, бұл жағдайда қосалқы құрамда Аргентина құрамасының жұлдызы Алехандро Гарначо немесе қақпашы Филип Йоргенсен қалып қояр еді.

Дастан Сәтпаев: Англиядағы жолы

Еске сала кетейік, қазақстандық Дастан Сәтпаев "Челсиге" маусымның ортасында "Қайраттан" ауысып барған болатын. Ол лондондықтар сапында бірнеше жолдастық кездесу өткізіп, алғашқы голын да соғып үлгерді.

Алайда клуб басшылығы бапкерлер штабымен бірлесіп, вингерді Чемпионшиптегі "Бернли" клубына жалға беру туралы шешім қабылдады. Дастан бапкердің сеніміне тез ие болып, команданың кейінгі үш матчінде негізгі құрамда алаңға шықты.

Қазақстандық футболшы әзірге гол соғып немесе нәтижелі пас беріп үлгермесе де, жанкүйерлер оның ойынына тәнті, ал лига оны "Мидлсбромен" болған кейінгі ойында алаңдағы үздік ойыншы деп таныды.

"Челсиге" келер болсақ, лондондықтар маусымды чемпионатта екі жеңіспен, кубокта бір жеңіспен бастады. 6 қыркүйекте олар Англияның қазіргі чемпионы - "Арсеналмен" кездеседі.

“Үздік сұрмерген атанады“: ағылшын жанкүйерлері Сәтпаевқа тәнті болды

Бір сағат бойы Уэльсті әбігерге салды: агент Қазақстан құрамасының жұлдызына қызығушылық барын растады

Қазақстандық аңызға айналған чемпион мансабын аяқтайтынын жариялады