“Үйде ойнағымыз келген еді“ - “Қайрат“ жұлдызы Канье Уэстке байланысты ЧЛ матчінің ауыстырылуы туралы

Кипрдің "Омония" клубын жеңгеннен кейін Луиш Мата Алматыдағы матчтен алған әсерін бөлісті. Сондай-ақ ол клубтың Чемпиондар лигасындағы келесі кездесуінің Түркістанға ауыстырылуы туралы сұраққа жауап берді.

Футболшы өз алаңында ойнаған тиімдірек екенін, бірақ стадионның ауысуы ойыншыларға әсер етпеуі тиіс екенін мәлімдеді.

"Біз бақыттымыз, керемет ойын көрсеттік, матчті бақылауда ұстадық. Көптеген мүмкіндік жасағанымызбен, гол соға алмадық. Ал пенальти сериясы - бұл өткен жылы көрген Алматының тағы бір сиқыры. Еурокубоктардың топтық кезеңіне жолдама алғанымызға қуаныштымыз. Чемпиондар лигасындағы келесі матчтің Түркістанға ауысуына келсек, әрине, біз Алматыда, өз үйімізде ойнағымыз келген еді. Бірақ былай айтайын, бұл біз үшін қандай да бір жағдайда сылтау болмауы керек", - деп келтіреді португалиялықтың сөзін Vesti.kz.

"Қайрат" "Омонияны" қапы қалдырып, келесі кезеңге өтті

Еске сала кетейік, 29 шілдеде Алматыда Чемпиондар лигасының іріктеу кезеңі аясында алматылық "Қайрат" пен кипрлік "Омония" арасында қарымта матч өтті. Айта кетейік, өз алаңында кипрліктер 1:0 есебімен жеңіске жеткен болатын.

Матчтегі тартыс алғашқы ысқырықтан бастап-ақ күшейе түсті.

26-минутта "Омония" шабуылшысы Андроникос Какулис дөрекі ойыны үшін алаңнан қуылды.

Ойыншы алаңнан қуылғаннан кейін 10 минут өткенде алаң иелерінің бас бапкері Рафаэль Оразбахтин екі ауысым жасады. Алаңнан қорғаушы Лев Кургин мен жартылай қорғаушы Дамир Қасаболат шығып, олардың орнына вингер Исмаил Бекболат пен шабуылшы Эдмилсон қосылды.

Бұл шешім бірден жемісін берді: ауысымнан кейін небәрі бір минут өткенде "Қайраттың" бразилиялық легионері баспен соққы жасап, допты қақпаның оң жақ бұрышына бағыттап, есеп ашты.

Басқа гол соғылған жоқ, кездесу пенальти сериясына ұласты. Онда қазақстандық қақпашы Темірлан Анарбеков екі керемет сейв жасап, өз командасын құтқарып қалды және "Қайратқа" Чемпиондар лигасының келесі кезеңіне жолдама сыйлады.

"Қайрат" Канье Уэстке қарсы: концерт алматылық командаға ЧЛ-да неге кедергі болуы мүмкін?

Еске сала кетейік, бұған дейін танымал америкалық рэпер Канье Уэстің менеджері 14 тамызда Алматыдағы "Орталық" стадионда әртістің концерті өтетінін жариялаған болатын.

Осыдан кейін "Қайрат" өкілдері бұл дата клубпен келісілмегенін, ал 12 тамызда алматылықтар Чемпиондар лигасының іріктеу кезеңі аясында өз алаңында матч өткізуі тиіс екенін мәлімдеді.

Кипрлік "Омонияны" жеңгеннен кейін, үшінші кезеңде алматылықтардың қарсыласы "Левски" (Болгария) – "Университатя" (Румыния) жұбының жеңімпазы болады.

Нәтижесінде матчті Түркістанға ауыстыру туралы шешім қабылданды – алматылықтар Чемпиондар лигасының аса маңызды ойынын өз стадионында өткізе алмайтын болды.

"Концерт маңыздырақ" – "Қайрат" бапкері Алматыда ЧЛ матчі орнына Канье Уэст концертінің өтетіні туралы