“Үздік ӘЧ“ - АҚШ-тың аңызға айналған Олимпиада чемпионы Қазақстандағы турнир туралы

30 жастағы америкалық балуан Қазақстандағы турнир ол қатысқан тоғыз біріншіліктің ішіндегі ең үздігі болуы мүмкін екенін айтты. Ол 2015 жылдан бері әлемнің түрлі елінде өткен сегіз Әлем чемпионатына қатысқан, оның ішінде 2019 жылғы Астанадағы турнир де бар.

"Мен күресті жақсы көремін және оны әлемдегі ең ұлы спорт түрі деп санаймын. Мынаны айтқым келеді: мен жарыс өтетін аренаға барып үлгердім, шыны керек, бұл мен қатысқан барлық әлем чемпионаттары ішіндегі ең үздігі болып көрінеді.

Қазақстанды осындай турнирдің ұйымдастырылуымен құттықтаймын! Мен жарыстың басталуын асыға күтемін, бейсенбі мен жұмада боз кілемге шығып, белдесуді бастауға тағатсызданып отырмын", - деді ол турнир алдындағы баспасөз мәслихатында.

АҚШ-тың еркін күрес аңызы Астанаға әлемдік титулын қорғау үшін келді. Атақты америкалықтың басты қарсыластарының бірі еркін күрестен қазақстандық тұңғыш әлем чемпионы Ризабек Айтмұхан болуы мүмкін.

Кайл Снайдер деген кім?

АҚШ-тың 30 жастағы балуаны 2016 жылы алғашқы талпыныстан-ақ Олимпиада ойындарының жеңімпазы атанды, ал келесі Олимпиадада күміс жүлдеге ие болды.

Бұдан бөлек оның қоржынында әлем чемпионаттарының сегіз медалі бар, оның төртеуі - алтын.

2026 жылы күрес түрлерінен Әлем чемпионаты 24 қазан мен 1 қараша аралығында "Барыс Аренада" өтеді.