“Виртуалды әлем секілді“: Дастан Сәтпаев Мбаппемен кездесуі туралы айтты

Футболдан Қазақстан құрамасының вингері Дастан Сәтпаев Чемпиондар лигасы аясында өткен "Реал Мадрид" жұлдыздарына қарсы матчті еске алды, деп жазады Tengri Sport.

17 жастағы "Қайрат" тәрбиеленушісінің сөзінше, ол күндердің бір күні жоғары деңгейдегі футболшылармен ойнайтынына сенімді болған. Бірақ бұл кездесу алматылық клуб сапында өтетінін елестете алмаған.

"Сол күн дүрбелең болғаны есімде. Алматыға әлемнің бүкіл елінен адамдар келген шығар. Менде мұндай футболшылармен 100 пайыз ойнаймын деген ой болды. Бірақ "Қайрат" сапында оларға қарсы тұрамын деп ешқашан ойламадым.

Біз алаңға шыққан кезде өте қобалжыдық. Мұндай футболшыларды жақыннан көрген сәтте... Міне, олар сенің жаныңда, амандасып, қол алысады. Бастапқыда бәрі виртуалды әлемде секілді болды", - дейді Сәтпаев клубтың баспасөз қызметіне берген сұхбатында.

Еске салайық, Дастан Сәтпае "Қайрат" үшін соңғы матчін өткізіп, лондондық "Челси" сапына ауысты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!