Энни Джудис Тусон қаласында өткен (Аризона штаты, АҚШ) Prickly Pear Open турниріне 82 жас 139 күнінде қатысып, әйелдер арасындағы жарыстың ең егде қатысушысы атағын растады. Осылайша, ол Гиннес рекордтар кітабының сертификатына ие болды.
Энни Джудис туралы не белгілі?
Энни Джудис 1943 жылы 23 қарашада дүниеге келген, жас кезінен бастап сұлулық байқауларына қатысқан.
Сондай-ақ, ол Miss Texas сахнасына шыққан алғашқы афроамерикалық әйел атанды.
Ол 1969 жылы қазанда Playboy журналында "Ай аруы" (Playmate of the Month) ретінде бой көрсеткен алғашқы қара нәсілді әйелдердің бірі болып тарихта қалды, ал кейінірек басылым мұқабасына шыққан алғашқы афроамерикалықтардың бірі болды.
Ол 1970 жылдары Джинни Белл лақапатымен бірқатар фильмге түсті, соның ішінде TNT Jackson фильміндегі басты рөл, сондай-ақ, Мартин Скорсезенің "Зұлым көшелер" (Mean Streets) туындысы мен басқа да картиналардағы рөлдері бар.
Ол 1986 жылы кәсіпкер Гэри Карл Джудиске тұрмысқа шықты. Шоу-бизнестен кеткен соң Энни отбасына көңіл бөлді, ал егде тартқан шағында, 70 жастан асқан соң бағытын толық өзгертіп, спортшы, Гиннесстің көп мәрте рекорд иегері және фитнес инфлюенсер атанды.
Секіргішпен секірумен шындап айналыса бастаған Энни Джудис 75 жас 92 күнінде алғаш рет Гиннес рекордын жаңартты. Содан бері ол бірнеше рет осы атағын растап, рекордын жаңартып келеді.