+7 (777) 001 44
99
Испания құрамасы мен "Атлетик" клубының қақпашысы Унаи Симон әлем чемпионаттарында гол өткізбей ең ұзақ уақыт бойы алаңда болған рекордшы атанды, - деп хабарлайды Tengri Sport.
Sofascore статистикалық порталы мәліметінше, Австриямен өткен матчте (3:0) испаниялық қақпашы әлем чемпионаттарындағы гол өткізбеу сериясын 519 минутқа дейін ұзартты.
Симон 2022 жылғы әлем чемпионатының 1/8 финалында испаниялықтар Мароккодан пенальти бойынша жеңілген сәттен бері мундиалдарда ойын үстінде гол жіберген емес.
Бұған дейін мұндай көрсеткіштерді қақпашылар мектебінің аңыздары – Джанлуиджи Буффон (Италия) мен Икер Касильяс (Испания) көрсеткен болатын, ал бұрынғы рекорд италиялық Вальтер Дзенгаға тиесілі еді.
Айта кетейік, Буффон да, Касильяс та өз командаларының сапында әлем чемпионы атанған. Ал Симон әзірге тек Еуропа чемпионатын ғана жеңіп алды.
Әлем чемпионаттарында қақпашылар гол жібермеген рекорд сериялар:
- 🇪🇸 Унаи Симон - 519 минут (2022 - …);
- 🇮🇹 Вальтер Дзенга - 517 (1990);
- 🏴 Питер Шилтон - 501 (1982–1986);
- 🇦🇷 Серхио Ромеро - 486 (2014);
- 🇪🇸 Икер Касильяс - 477 (2010–2014);
- 🇩🇪 Зепп Майер - 475 (1974–1978);
- 🇮🇹 Джанлуиджи Буффон - 460 (2006).
Симонның биыл-ақ өз рекордын жаңартуға мүмкіндігі бар екенін айта кетейік. Испания құрамасы 1/8 финалда португалиялықтармен кездеседі.
Instagram-дағы бұл жарияланымды көру
