+7 (777) 001 44
99
Халықаралық футбол қауымдастықтары федерациясы (ФИФА) әлем чемпионаты топтық кезеңінің үздік голы авторын жариялады. Ол - Өзбекстан құрамасының капитаны Элдор Шомуродов, - деп хабарлайды Tengri Sport тілшісі турнирдің баспасөз қызметіне сілтеме жасап.
Ұйым Шомуродовтың топтық кезеңнің соңғы матчінде Конго ДР қақпасына соққан және есеп ашқан голын ерекше атап өтті.
Өзбекстандық футболшы айып алаңының шебінде допты қарсылас қақпашысының төбесінен әдемі асырып, гол соқты.
Айта кетейік, дауыс беру барысында әлемнің түкпір-түкпірінен жиналған жанкүйерлер алдымен топтық кезеңнің барлық голының ішінен таңдау жасай алды. Шомуродов 36 пайыз дауыс жинады.
Шомуродовтың голы өзбекстандықтарға дебюттік турнирде алғашқы ұпайларын еншілеуге көмектесе алмады. Фабио Каннаваро шәкірттері үш матчтің бәрінде жеңіліп, 11 гол жіберіп алды және екі гол соқты.
Өзбекстан құрамасымен бір топта өнер көрсеткен үш қарсыластың да - колумбиялықтар, португалиялықтар мен конголықтардың - плей-офф кезеңіне өткенін айта кеткен жөн.
