ӘЧ плей-офф кезеңіндегі АҚШ пен Англия матчтері: Қазақстанда қайдан көруге болады?

Бүгін, 2 шілдеге қараған түні футболдан әлем чемпионатының 1/8 финалына жолдама алу үшін Англия, АҚШ және Бельгия құрамалары таласқа түседі. Сонымен қатар, қазақстандық футбол үшін тарихи оқиға болуы мүмкін, - деп хабарлайды Tengri Sport.

1/16 финал аясында бүгін Англия мен Конго ДР, Бельгия мен Сенегал, сондай-ақ АҚШ пен Босния және Герцеговина командалары кездеседі.

Матчтер Қазақстан уақытымен 21:00-де, 1:00-де және 5:00-де басталады.

Барлық кездесуді Qazsport телеарнасы тікелей эфирде көрсетеді, ал Qazaqstan арнасы кешкі матчті өткізіп алғанымен, көрермендерге түнгі екі ойынды тамашалауға мүмкіндік береді. Трансляцияларды телеарналар сайтында да көруге болады.

Гарри Кейн "қарғыстан" кейін африкалықтарға гол соғуға тырысады

Англия құрамасының көшбасшысы әрі Мюнхеннің "Бавария" шабуылшысы Гарри Кейн турнирдің алғашқы үш матчінде үш гол соқты, бірақ Ганамен өткен кездесуде көзге түсе алмады. Бақсы Кваку Бонсам бұл қарғысты өзі салғанын айтып, келесі ойындарда қарғысты алатынына уәде берді.

Топтық кезеңнің соңғы ойынында Кейн Панама қақпасына гол соқты, бірақ енді оны тағы да африкалықтармен кездесу күтіп тұр. Оның үстіне, Конго ДР қазірдің өзінде бір шабуылшыны тоқтата алды – Криштиану Роналду конголықтарға гол соға алмай, матч тең аяқталды.

Конго ДР - Англия ойыны Қазақстан уақытымен 1 шілдеде сағат 21:00-де басталады.

"Манчестер Сити" мен "Челси" жұлдыздары 1/8 финал жолдамасы үшін шайқаста

Бельгиялықтар бұл әлем чемпионатында әлі жеңілген жоқ – олар Мысыр және Иранмен екі рет тең ойнап, кейін Жаңа Зеландияны 5:1 есебімен тас-талқан етіп, топта бірінші орын алды.

Сенегал жеребе бойынша Франция мен Норвегия бар "ажал тобына" түсіп, олардан ұтылып қалған болатын. Алайда соңғы матчте Ирак қақпасына жауапсыз бес доп соғып, көрсеткіштерін түзеп, плей-оффқа ілікті.

Матчтің тағы бір қыры – Ағылшын Премьер-лигасы жұлдыздарының текетіресі. Олар өзара талай рет кездескен. "Манчестер Сити" сапындағы бельгиялықтар Жереми Доку мен Кевин де Брюйне "Челси" сапындағы сенегалдықтар Николас Джексон мен Мамаду Саррға қарсы ойнайды.

Бельгия - Сенегал матчі Қазақстан уақытымен 2 шілдеде сағат 1:00-де басталады.

Әлем чемпионатының қожайындары қазақстандық клуб ойыншысына қарсы

Бүгін мундиальда Қазақстан Премьер-лигасының соңғы өкілі, Босния және Герцеговина құрамасында өнер көрсететін "Астананың" ойыншысы Иван Башичтің жолы жалғасады.

Ол қазірдің өзінде мундиальға қатысқан қазақстандық клубтың алғашқы әрі плей-оффқа жолдама алған алғашқы ойыншысы ретінде тарихқа енді. Енді тек өз рекордтарын жаңарту ғана қалды. Бұл ретте "Астана" 10 шілдеде Конференция лигасының іріктеу кезеңін бастайды, сондықтан елордалық команданың жаттықтырушысы Башичті алғашқы матчке болмаса да, қарымта ойынға дейін келеді деп күтетіні анық.

Босниялықтардың қарсыластары – АҚШ құрамасына келетін болсақ, олар топтық кезеңде Парагвай мен Аустралияны сенімді түрде жеңгенімен, соңғы матчте Түркия құрамасына есе жіберді.

Парагвайлықтар 1/16 финалда немістерді жарыстан шығарып, үлкен сенсация жасады, ал енді америкалықтар плей-оффтағы ең үздік нәтижесін – 2002 жылғы ӘЧ-дағы бірінші раундтан өту жетістігін қайталай алады.

АҚШ - Босния және Герцеговина матчі Қазақстан уақытымен 2 шілдеде сағат 5:00-де басталады.