+7 (777) 001 44
99
АҚШ салық қызметі Испанияның ақшалай жүлдесының бір бөлігін ұстап қалуы мүмкін екені белгілі болды. Футболдан ӘЧ-дегі жеңіс үшін берілген сыйақы 51 миллион доллар (24,2 миллиард теңге) болды.
Бейрезиденттер үшін нәтижеге байланысты түсетін табысқа әдетте 30 пайыздық мөлшерлемемен салық салынады, бұл салық қызметінің шамамен 16 миллион долларды (7,6 миллиард теңге) өндіріп алуы мүмкін екенін білдіреді.
🚨 АҚШ Салық қызметі (IRS) Испанияның әлем чемпионатындағы жеңісі үшін алған 51 млн доллар сыйақысының бір бөлігін иеленеді
— Polymarket Sports (@PolymarketSport) July 21, 2026
Бейрезиденттер үшін нәтижеге байланысты табысқа әдетте 30% салық салынады, яғни IRS шамамен 16 млн доллар ұстап қалуы мүмкінpic.twitter.com/O4xEOf0Wc2
Испания құрамасы екінші рет Әлем чемпионы атанды
Еске сала кетейік, ӘЧ-2026 алтын жүлдесі сарапқа салынған матч 20 шілдеге қараған түні Ист-Ратерфордтағы (Нью-Джерси штаты, АҚШ) "Метлайф" стадионында өтті.
Кездесу өте тартысты болды. Негізгі уақытта қос команда да есеп аша алмады, алайда жартылай қорғаушы Энцо Фернандестің алаңнан қуылғаны аргентиналықтарды азшылықта қалдырды.
Экстра-таймдарда бәрі өзгерді. Алдымен испандықтар 97-минутта шабуылды голмен аяқтағанымен, төреші шабуыл кезіндегі ережебұзушылыққа байланысты голды есептемеді.
Біраз уақыттан кейін олар жетістікті қайталады, 106-минутта Ферран Торрес ережеге сай аргентиналықтардың қақпасына доп соғып, өз командасын алға шығарды.
Бұл гол мундиаль финалындағы алғашқы әрі соңғы гол болды. Матч қорытындысы - 1:0 есебімен Испания құрамасының пайдасына аяқталды.
Instagram-дағы бұл жарияланымды көру
Аргентиналықтар драмалық жеңілістен кейін эмоцияға бой алдырыды
Матчтен кейін Аргентина құрамасының ойыншылары мундиаль жеңімпаздарымен төбелес шығарды. Жартылай қорғаушы Леандро Паредес испаниялық қорғаушы Эрик Гарсияның тамағынан алғаннан кейін жаппай төбелес басталды.
ОЙЫН СОҢЫНДАҒЫ ТӨБЕЛЕС 🇦🇷🇪🇸
— Diario Olé (@DiarioOle) 19 шілде, 2026 жыл
▶ Леандро Паредес матч соңында Испания ойыншыларымен есеп айырысуға барды
🎥 _jsm44 pic.twitter.com/C3xbxhS1pP
Месси алаңнан көзіне жас алып кетті
Кездесу аяқталғаннан кейін Аргентина құрамасы алаңда ұзақ уақыт қалды. Бір сәтте Лионель Месси эмоциясын ұстау алмай, көз жасына ерік берді. Матчтен кейін Месси әлеуметтік желідегі парақшасында жанкүйерлерге үндеу жасады. Ол өз еліне және жанкүйерлеріне қолдау көрсеткендері үшін алғыс айтып, сондай-ақ Испания құрамасын Әлем чемпионатындағы жеңісімен құттықтады.
🚨🎥 Қандай тебіреністі сәт! 🥹😢
— Tiger eye 👁️ (@Tigereye_ball) 19 шілде, 2026 жыл
• Аңыз Лионель Месси өзінің Әлем чемпионатындағы соңғы матчындағы жеңілістен кейін көз жасына ерік берді. ❌ pic.twitter.com/EjkVJq29Mb
Аргентина ӘЧ-2026 кезіндегі жала жабулар бойынша ауқымды талап арыз бермек
Лионель Месси мансабын аяқтау туралы шешім қабылдады - инсайдер
