+7 (777) 001 44
99
UFC-дің жеңіл салмақтағы чемпионы Петр Янмен арадағы трилогия қарсаңында грузин файтер, экс-чемпион Мераб Двалишвили Даниэль Кормьеге берген сұхбатында ресейлік қарсыласы мен оның айналасындағылар туралы пікір білдірді.
"Онымен дос бола аламын деп ойламаймын. Ол отбасы мен достары үшін жақсы адам шығар, бірақ оның мен құрметтемейтін достары бар. Оның бір досы менімен бәстесіп, 50 мың доллар ұтылып қалды. Содан бері ақшаны қайтарған жоқ. Тағы бір досы менің досыма құрметсіздік танытты, мен оның бетінен шапалақпен тартып жібердім. Ол полицияға барып, мені түрмеге жаптырғысы келді. Мені сотқа беріп, сондай әрекеттерге барды.
Оның тағы бір досына қатысты оқиға: ол жекпе-жектен кейін әлеуметтік желіде мен туралы жазба қалдырып, мені "досым" деп атады. Содан соң бір журналист одан: "Сендер енді доссыңдар ма?" - деп сұрады. Ал ол: "Жоқ, оны мен емес, менеджерім жазған", - деп жауап берді. Маған айтыңызшы, қай ер азамат менеджеріне өзінің атынан жазба жариялауға рұқсат береді?" - деді Двалишвили.
UFC чемпиондық атағы үшін Ян - Двалишвили трилогиясы
Ян мен Двалишвили арасындағы үшінші жекпе-жек 24 қазанда Абу-Дабиде (БАӘ) Etihad Arena-дағы UFC 333 турнирінде өтеді. Кездесу кештің басты оқиғаларының бірі мәртебесіне ие және титулдық жекпе-жек болмақ: Ян 2025 жылдың желтоқсанында Двалишвилиден тартып алған UFC-дің жеңіл салмақтағы чемпиондық белбеуін қорғайды. Турнирдің басты жекпе-жегінде жартылай жеңіл салмақтағы чемпиондық атақ үшін Александр Волкановски мен Мовсар Евлоев кездеседі.
Instagram-дағы бұл жарияланымды көру
Текетірес тарихы
Алғашқы жекпе-жек 2023 жылдың 11 наурызында Лас-Вегастағы (Невада штаты, АҚШ) UFC Fight Night 221 турнирінде өтті. Двалишвили күрес пен қарқынның арқасында басымдық танытты: ол ондаған тейкдаун жасауға тырысып, позицияларды бақылауда ұстады және соққылар саны бойынша Яннан асып түсті. Төрешілер жеңісті бірауыздан грузин спортшысына берді.
Екінші жекпе-жек 2025 жылдың 6 желтоқсанында Лас-Вегастағы (Невада штаты, АҚШ) T-Mobile Arena-да өткен UFC 323 турнирінің басты оқиғасы болды. Бұл жолы Ян жекпе-жек барысын толығымен өзгертті. Ресейлік файтер джеб және корпусқа жасалған соққыларды тиімді қолданып, партерге ауысу әрекеттерін тоқтатты және Двалишвилиге ауыр соққылар дарытты.
Ян төрешілердің біріңғай шешімімен жеңіске жетіп, Двалишвилидің 14 жеңістен тұратын сериясын тоқтатты және чемпиондық белбеуін қайтарып алды.
Жеңіліп көрмеген файтер UFC-ден шығарылды: ол қатарынан 16 рет жеңіскен жеткен
