Әлем чемпионатының жұлдызы Возинья ресми түрде жаңа клубқа ауысты

Чилилік "Коло-Коло" клубының баспасөз қызметі әлеуметтік желілерде 2026 жылғы әлем чемпионатының жұлдызы, Кабо-Верде құрамасының қақпашысы Возиньямен келісімшартқа отырғанын ресми түрде жариялады. Ол клуб президенті Анибал Мосамен бірге келісімге қол қойып, команда құрамына енді.

Футбол клубының базасында футболшы бірнеше медициналық тексеруден де өтті.

Возинья - ӘЧ-2026 жұлдызы

Жозимар Жозе Эвора кәсіби мансабын біршама кеш бастаған - Transfermarkt порталында оның алғашқы клубтары 2011 жылы тіркелген, ол кезде қақпашы 25 жаста болатын.

Кеш бастағанына қарамастан, Возинья еуропалық командаларға дейін жетті. Оның алғашқы клубы молдовалық "Зимбру" болды, кейін португалиялық "Жил Висенте", кипрлік АЕЛ және Словакияның "Тренчин" командаларында ойнады.

2024 жылдан бастап қақпашы Португалияның екінші лигасындағы "Шавиш" сапында өнер көрсетті, ал оның трансферлік құны 50 мың еуроға бағаланды. 2026 жылдың 1 шілдесінде оның португалиялық клубпен келісімшарты аяқталды.

Әлем чемпионаты аяқталғаннан кейін қақпашының трансферлік құны 10 есе өсті, қазір ол 500 мың еуроға бағаланып отыр. Ол бесінші ондықты алқымдаған шағында Чилиден жаңа клуб тапты.

Мундиальдағы айтулы өнерінен кейін және Аргентинадан ұтылған соң, 40 жастағы Возинья белгиялық Тибо Куртуаны басып озып, 2026 жылғы әлем чемпионатының ең танымал қақпашысы атанды.

Қазір кабо-верделік ойыншының Instagram-да 29,5 миллион жазылушысы бар.