“Алтын доптың” басты фавориті аталды: марапаттау рәсіміне екі апта қалды

Қазіргі футболдағы басты жеке марапатты тапсыру рәсіміне екі аптадан аз уақыт қалды – "Алтын доп" өз иесін 26 қазанда Лондонда табады.

Үздік бестік бәрінде бірдей, бірақ марапат кімге бұйырмақ?

Әлемнің барлық жетекші спорттық сайттары "Алтын допқа" бес үміткер таласып жатқанымен келіседі: испандықтар Родри мен Ямаль ("Барселона"), ағылшын Кейн, француз Мбаппе және аргентиналық Лионель Месси. Қалғандарының жеңіске жету мүмкіндігі бір пайыздан аз.

Алайда ойыншылардың қайсысы басты фаворит екеніне келгенде мұндай бірауыздылық жоқ. Беделді Give me Sport порталы өз рейтингінде бірінші орынға испандық Ламин Ямальды қойды.

"Осы уақытқа дейін бірде-бір жасөспірім "Алтын доп" иегері атанған емес. Ламин Ямальдың биыл осы марапаттың ең жас лауреаты атануы керемет болар еді. Ерекше қабілеті мен жұлдыздық мәртебесі оны болашақта сөзсіз фаворит етеді – бірақ ол мұны 2026 жылы жүзеге асыра ала ма?" – деп атап өтті рейтинг авторлары.

Скриншот: givemesport.com

Ал болжамдар нарығына маманданған Polymarket порталы ағылшын ойыншысын фаворит деп санайды, дегенмен 4 қазанда Ямаль көш бастаған. Қазір сайт Харри Кейннің жеңіске жету ықтималдығын 63 пайыз деп бағалап отыр.

Скриншот: polymarket.com/

Бұл ретте ұлябританиялық БАҚ-тың өзі Ямаль жағына шыға бастады. The Independent басылымы испандықты басты фаворит деп санайды.

Кейн мен Ямаль: статистика титулдарға қарама-қайшы

Ұлыбританиялық форвард Харри Кейн "Бавария" мен Англия құрамасы сапында ерекше маусым өткізді. 73 гол және 8 нәтижелі пас – мұндай нәтижені Криштиану Роналду да көрсетпеген, ал Мессидің рекорд көрсеткішіне небәрі 9 гол жетпей қалды.

Егер ол басты титулдардың бірін болса да жеңіп алғанда, ұлыбританиялық сөзсіз фаворит болар еді. Чемпиондар лигасында "Бавария" тек "Пари Сен-Жерменге" есе жіберсе, Әлем чемпионатында ағылшындар аргентиналықтардан жеңіліп, үшінші орынды иеленді. Екі жартылай финал, бірақ бірде-бір титул жоқ.

Кейннің қасында Ламин Ямальдың статистикасы онша әсерлі емес: 26 гол, 21 нәтижелі пас – жақсы, бірақ рекорд көрсеткіш емес. Чемпиондар лигасында "Барселона" "Бавариядан" ерте шығып қалды – ширек финалда "Атлетикоға" шамалары жетпеді.

Бірақ Ламиннің пайдасына Әлем чемпионатындағы жеңіс – бүкіл Испания құрамасын ерекшелейтін триумф сөйлеп тұр.

Бұл ретте Ламиннің өзі Кейнді марапат жолындағы бәсекелесі деп санамайды. Оның пікірінше, "Барселона" вингерінің жалғыз қарсыласы – "Реалдың" француздық шабуылшысы Килиан Мбаппе.

"Шынымды айтсам, әлемнің үздік ойыншысы атағы үшін екеуіміз ғана таласып жатырмыз деп ойлаймын. Биылғы барлық жеңісімді ескерсек, мен бұл марапатқа лайықпын деп есептеймін. Мен үшін әлемдегі ең үздік екі ойыншы – мен және Мбаппе. Бұл анық нәрсе. Маған бәрі түсінікті және матчтерді көретін адамдардың бәрі мұны біледі", – деді ол.

Еске сала кетейік, биылғы маусымдағы "Алтын доп" иегерін анықтау үшін дауыс беру аяқталды. Оның нәтижесі 26 қазанда белгілі болады.

“Маған бұйырады“: Ламин Ямаль “Алтын доп“ туралы пікір білдірді