Америкалық атлет тартылудан таңғаларлық рекорд орнатты

Бейнеден кадрлар

Америкалық атлет Райан Кэмпбелл турникке тартылудан таңғаларлық рекорд орнатып, Гиннестің рекордтар кітабына енді, - деп хабарлайды Tengri Sport.

Америкалық спортшы Райан Кэмпбелл 93,05 келі қосымша салмақпен тартылып, Гиннестің жаңа әлемдік рекордын орнатты.

Instagram-дағы бұл жарияланымды көру

Guinness World Records (@guinnessworldrecords) жарияланымы

Гиннестің ресми рекорды ерлер арасында максимал қосымша салмақпен кері ұстап тартылу санаты бойынша тіркелді.

Салыстырмалы түрде айтсақ: тік ұстап тартылудан Гиннес рекорды қытайлық атлет Лю Вэйцянға тиесілі. Ол 146,64 келі қосымша салмақпен тартылған.

Лю екі жыл бұрын орнатқан өз көрсеткішін айтарлықтай жақсартып, бүгінде осы дисциплина бойынша абсолютті әлемдік рекордты иеленіп отыр.

Айта кетейік, бұл қытайлық спортшының жалғыз рекорды емес. Лю Вэйцян Гиннестің рекордтар кітабына кемінде 9 рет енген. Оның басқа да рекордтары:

27,2 келі салмақпен шығыршықта бір минутта ең көп кеудені көтеру (ерлер) - 36 рет;
36,2 келі салмақпен бір минутта ең көп тартылу - 25 рет;
45,3 келі салмақпен шығыршықта бір минутта ең көп кеудені көтеру (ерлер) - 20 рет;
Ең ауыр салмақпен трицепске жаттығу жасау - 154,2 келі;
Шығыршықта ең ауыр салмақпен күшпен көтерілу (ерлер) - 44,3 келі;
18,1 келі салмақпен шығыршықта бір минутта ең көп кеудені көтеру (ерлер) - 55 рет;
36 келі салмақпен жұдырықпен бір минутта ең көп кеудені көтеру - 72 рет;
Бір ортан терекпен көтерілген ең ауыр салмақ - 144,72 келі.