Аңызға айналған Зидан Франция құрамасында Мбаппенің бапкері болды

Фото: DURAOFOTO/depositphotos.com

Франция құрамасы сапында әлем чемпионы атанған және мадридтік "Реалдың" бұрынғы ойыншысы Зинедин Зидан ұлттық команданың жаңа жаттықтырушысы болып ресми түрде тағайындалды, деп хабарлайды Tengri Sport Франция футбол федерациясының баспасөз қызметіне сілтеме жасап.

54 жастағы маман ұлттық құрамамен келісімшартқа отырды және оны Ұлттар лигасының алдағы матчтеріне дайындайтын болады.

Еске сала кетейік, бұған дейін аңызға айналған футболшы бас жаттықтырушы ретінде тек мадридтік "Реалда" 2016-2018 және 2019-2021 жылдар аралығында жұмыс істеген болатын. Зиданмен бірге испандықтар үш рет Чемпиондар лигасын жеңіп алып, екі рет ел чемпионы атанды.

Сонымен қатар атақты футболшы 2021 жылдан бері жаттықтырушы ретінде қызмет атқармаған.

𝗭𝗜𝗡𝗘𝗗𝗜𝗡𝗘 𝗭𝗜𝗗𝗔𝗡𝗘, 𝗡𝗢𝗨𝗩𝗘𝗔𝗨 𝗦𝗘́𝗟𝗘𝗖𝗧𝗜𝗢𝗡𝗡𝗘𝗨𝗥 𝗗𝗘 𝗟’𝗘𝗤𝗨𝗜𝗣𝗘 𝗗𝗘 𝗙𝗥𝗔𝗡𝗖𝗘 🐓🇫🇷 pic.twitter.com/5ocGyYETNm
— Equipe de France ⭐⭐ (@equipedefrance) July 28, 2026

Франция құрамасы 2026 жылғы Әлем чемпионатында жүлдеге ие бола алмады

Айта кетейік, Зиданға дейін Франция құрамасын Дидье Дешам басқарған болатын. Оның жетекшілігімен команда 2018 жылы әлем чемпионы атанып, 2022 жылы финалға дейін жетті. Бұл ретте жаттықтырушы үшін соңғы болған мундиальда француздар жартылай финалда испандықтардан, содан кейін қола жүлде үшін өткен матчте ағылшындардан ұтылып қалды.

Сондай-ақ жаттықтырушының қоржынында Ұлттар лигасындағы жеңіс бар.